قازاقتان شىققان توبەلەسكىش حوككەيشى ءار ويىن سايىن سويقان سالۋىن قويار ەمەس - كەسكىن
ەسكە سالا كەتەيىك، 9- جەلتوقساندا بولعان ويىندا قازاقستاندىق حوككەيشىلەر 0:5 ەسەبىمەن جەڭىلىپ قالدى. ويىننىڭ ەكىنشى مينۋتىندا مارتينىش دزيركالس كوزگە ءتۇستى. ەكىنشى كەزەڭدە ماكسيمس پونومارەنكو (26-ءشى)، رودريگو ابولس (27-ءشى) جانە وسكارس باتنيا (33-ءشى) ءبىر-بىردەن ەسەپ ايىرماسىن ۇلعايتتى. كەزدەسۋدىڭ سوڭعى نۇكتەسىن حارالدس ەگلە (48-ءشى) قويدى.
قازاقستان مەن لاتۆيا قۇرامالارىنىڭ بۇعان دەيىنگى وتكەن ءبىرىنشى ويىنىندا قازاقستاندىقتار جەڭىسكە جەتتى. ءبىر سول ويىندا جەڭىمپاز بۋلليت ارقىلى بەلگىلى بولدى - 5:4. ايتا كەتەيىك، قازاقستان جاستار قۇراماسى 14 مەن 20- جەلتوقسان ارالىعىندا ۆەنگريادا وتەتىن الەم چەمپيوناتىنا دايىندىق اياسىندا لاتۆيا ويىنشىلارىمەن سپاررينگ وتكىزدى.
ەسكە سالا كەتەيىك، قاراشا ايىنىڭ سوڭىندا دامير رىسبايەۆ «اق بارس» - «بارىس» كەزدەسۋىنىڭ ءبىرىنشى مينۋتىندا ماۋسىمداعى ەكىنشى توبەلەسى ءۇشىن اۆتوماتتى تۇردە ديسكۆاليفيكاتسيالاندى. ول استانالىقتار مەن «نەفتەحيميكتىڭ» كەزدەسۋىندە ءبىرىنشى رەت توبەلەسكەن ەدى. «بارىس» ويىنشىسىنىڭ قاتىسى بار توبەلەس چەمپيونات.com باسىلىمىنىڭ ۆەرسياسىندا قازاقستان حوككەي ليگاسىنداعى ۇزدىك جەكپە-جەكتەر قاتارىندا ەندى.