مەكسيكا استاناسىندا گ. گولوۆكينگە ا. رۋبيونىڭ بەلبەۋىن تاپسىردى - فوتو

استانا. قازاقپارات - مەكسيكا استاناسىندا قازاقستاندىق بوكسشى گەننادي گولوۆكينگە (WBC (Interim بەلبەۋىن تاپسىرۋ رەسمي سالتاناتى ءوتتى، ول مۇنى ماركو انتونيو رۋبيومەن جەكپە-جەكتە جەڭىپ العان ەدى. بۇل تۋرالى ۆكونتاكتە جەلىسىندەگى GGG قوعامداستىعىنىڭ پاراقشاسىندا حابارلاندى.

بەلبەۋدى تاپسىرۋ ءراسىمى باسپا ءسوز ءماسليحاتى كەزىندە وتكىزىلدى، وعان بوكسشى جانە ونىڭ كومانداسىنىڭ مۇشەلەرى - پروموۋتەر توم لەففلەر، جاتتىقتىرۋشى ابەل سانچەس، سونداي-اق WBC پرەزيدەنتى ماۋريسيو سۋلەيمان قاتىستى.

باسپا ءسوز ءماسليحاتىنان كەيىن گەنناديدىڭ جانكۇيەرلەرى سپورتشىمەن سۋرەتكە ءتۇسىپ، ودان قولتاڭبا الۋ مۇمكىندىگىنە يە بولدى.

بۇدان بۇرىن حابارلانعانداي، (WBA (Super جانە (WBC (Interim نۇسقاسى بويىنشا الەم چەمپيونى مەكسيكادا ءجۇر، ول مەكسيكاندىق تەليەۆيدەنيە حابارلارىنىڭ بىرىنە قاتىستى، ەلدىڭ تۋريزم مينيسترىمەن كەزدەستى. سونداي-اق بوكسشى جەرگىلىكتى بالالار كلينيكاسىندا بولماق.