قۇرلىق اسكەرلەرىنىڭ ءۇش كۇندىك جەدەل- ادىستەمەلىك جيىنى «ىلە» وقۋ- جاتتىعۋ ورتالىعىندا ءوتىپ جاتىر - فوتو
بيىل ول ايرو ۇتقىر اسكەرلەرى قازاقستاندىق بىتىمگەرشىلىك بريگاداسىنىڭ بازاسىندا وتۋدە. جيىنعا 350دەن استام قاتىستىرىلدى.
جيىننىڭ بۇگىنگى (ەكىنشى كۇن) كۇنى پوليگون جاعدايىنداعى پراكتيكالىق ساباقتارعا ارنالعان. وسى ماقساتتا جيىنعا قاتىسۋشىلار «ىلە» وقۋ- جاتتىعۋ ورتالىعىنا بارىپ، وندا ولار ءۇشىن قازبريگتىڭ بولىمشەلەرى باتالوننىڭ دالالىق جورىعىن ۇيىمداستىرۋ جانە وتكىزۋ ءتارتىبىن كورسەتتى.
جيىن شەڭبەرىندە قاتىسۋشىلارعا جاڭا قارۋ- جاراق پەن اسكەري تەحنيكانىڭ 50 دەن استام ۇلگىلەرى، سونىڭ ىشىندە جاڭا تەحنيكالىق قىزمەت كورسەتۋ جانە تەحنيكانى جوندەۋ قۇرالدارى كورسەتىلدى.
ايرو ۇتقىر اسكەرلەرى بولىمشەلەرىنىڭ جۇمىسىن باقىلاۋ بارىسىندا وفيسەرلەر وقۋ ورىندارىندا باتالوننىڭ پوليگونعا شىعۋىن جوسپارلاۋ جانە دايىنداۋ، باتالون قۇرامىنا كىرەتىن بولىمشەلەرمەن ساباقتار ۇيىمداستىرۋ، ۆزۆودتاردىڭ جاۋىنگەرلىك اتىستارىن وتكىزۋ ماسەلەلەرىن پىسىقتايدى. ۇلگىلىك ساباقتار بارىسىندا وفيسەرلەر وقۋ- جاتتىعۋ پوليگونىنداعى جۇمىس كەزىندە باتالوندى مورالدىق- پسيحولوگيالىق، تىلدىق، تەحنيكالىق، مەديتسينالىق قامتاماسىز ەتۋ ماسەلەلەرىن ەگجەي- تەگجەيلى زەردەلەيتىن بولادى.
«اسكەري قولباسشىلىق الدىندا اسكەرلەردى قاۋىپسىزدىكتىڭ قازىرگى زامانعى قاۋىپ- قاتەرلەرى كونتەكسىندە ۇيرەتۋ مىندەتى تۇر»، - دەپ ق ر ق ك قۇرلىق اسكەرلەرىنىڭ باس قولباسشىسى گەنەرال- لەيتەنانت مۇرات مايكەيەۆ اتاپ ءوتتى.
«قارۋلى كۇرەستىڭ تۇرلەرى مەن ادىستەرى وزگەرىستەرىن ەسكەرە وتىرىپ، قۇرلىق اسكەرلەرىندە وقىتۋ مەن جاۋىنگەرلىك دايارلىقتىڭ ادىستەمەسى ۇدايى تۇزەتىلىپ وتىرادى»، - دەگەن م. مايكەيەۆ جاۋىنگەرلىك دايارلىقتىڭ، سونداي- اق قولباسشىلىقتىڭ ايرىقشا نازار اۋدارۋىن قاجەت ەتەتىن ماسەلەلەردىڭ باسىم باعىتتارىن ناقتىلاۋ جيىننىڭ نەگىزگى ماقساتى بولىپ تابىلاتىنىن اتاپ ءوتتى.
سونىمەن قاتار، جيىن مىندەتتەرى قاتارىندا ءارتۇرلى اسكەر تۇرلەرى مەن تەكتەرى بولىمشەلەرىنىڭ ءىس- قيمىلىن جەتىلدىرۋ، ولاردىڭ ءوزارا ارەكەتتەسۋى ماسەلەلەرى پىسىقتالدى. بۇل رەتتە كومانديرلەردىڭ جاعدايدى تالداپ، باعالاي بىلۋىنە باسا نازار اۋدارىلدى.
«ىلە» پوليگونىنداعى جيىنعا قاتىسۋشىلاردىڭ جۇمىسى اتىس قارۋىنان وق اتۋ جاتتىعۋلارىن ورىنداۋمەن جالعاستى. سونداي- اق كومانديرلەر جيىننىڭ سوڭعى كۇنى وزدەرىنىڭ كاسىبي بىلىكتىلىكتەرىن دەنە دايارلىعىنان سىناق تاپسىرۋ بارىسىندا جانە كوماندالىق- شتابتىق جاتتىعۋ بارىسىندا كورسەتەتىن بولادى.