اسقار مامين جاس تەمىرجولشىلاردى ۇلتتىق كومپانيا قۇرىلىمدارىنداعى لاۋازىمدى قىزمەتتەرگە تاعايىندادى - ق ت ج
«فورۋم قورىتىندىسى بويىنشا جەڭىمپازدار ت م د جانە قازاقستاننىڭ تەمىر جول كولىگى وقۋ ورىندارىندا بىلىكتىلىگىن ارتتىرىپ، تەحنولوگيالىق جوبالارىن وندىرىسكە ەنگىزەدى. ءبىرقاتارى كومپانيا باسشىلىعىنىڭ شەشىمىمەن جاڭا لاۋازىمدارعا تاعايىندالدى»، دەلىنگەن حابارلامادا.
ناقتىراق ايتقاندا، ءتورت قاتىسۋشى ۇلتتىق كومپانيانىڭ قۇرىلىمدارىنداعى لاۋازىمدى قىزمەتتەرگە تاعايىندالدى. بەس جاس مامان «بولاشاق باسقارۋشىلار» اتالىمىنىڭ جەڭىمپازدارى بەس جاس قىزمەتكەر قر اۋماعىندا ءبىلىمىن جەتىلدىرەتىن بولسا، ءبىرىنشى ورىنعا يە بولعان جوبا يەسى تمد ەلدەرىنىڭ بىرىنە جانە الىس شەتەلگە جولداما الادى.
«مەنەدجمەنت جوباسى» اتالىمى بويىنشا التى ۇزدىكتىڭ ۇشەۋى قازاقستاندا، ۇشەۋى ت م د ەلدەرىندە ءبىلىمىن جەتىلدىرەدى. جاستاردىڭ ءۇش يننوۆاتسيالىق جوباسى وندىرىسكە ەنگىزىلمەك.
جاستار فورۋمىنىڭ اياقتالۋى قارساڭىندا وعان قاتىسۋشىلار ق ت ج باس وفيسىندە ورنالاسقان تەمىر جول كولىگى مۇراجايىنا 2030 - جىلدىڭ جاستارىنا ارناعان كاپسۋلا- پيراميدا سيمۆوليكالىق بەلگىسىن ورناتتى. كاپسۋلادا قازاق، ورىس، اعىلشىن تىلدەرىندە جاستاردى پاتريوتتىققا، تەمىر جول سالاسىنا ادالدىقتى، وتباسى قۇندىلىعىن ساقتاپ، وتان الدىنداعى مىندەتىن ابىرويمەن اقتاۋعا ۇندەيتىن شاقىرۋ جازىلعان.