دالا وركەنيەتىنىڭ ويشىلدارى دالا رۋحىنىڭ وزىندىك كودەكسىن جاسادى - گ. ءابدىحالىقوۆا
بۇل شارانى ق ر پرەزيدەنتى جانىنداعى ادام قۇقىقتارى جونىندەگى كوميسسيا ۇيىمداستىردى.
مەملەكەتتىك حاتشى قۇتتىقتاۋ سوزىندە جيىنعا قاتىسۋشىلاردى ادام قۇقىقتارى كۇنىمەن قۇتتىقتاپ، قازاقستان رەسپۋبليكاسىنىڭ ادام قۇقىقتارىنىڭ جالپىعا بىردەي دەكلاراتسياسىنىڭ رۋحى مەن پرينتسيپتەرىن جۇيەلى ۇستاناتىنىن، ونىڭ ۇلتتىق زاڭنامادا ناقتىلى كورسەتىلگەنىن اتاپ ءوتتى. گۇلشارا ءابدىقالىقوۆا رەسپۋبليكادا ەگەمەندى دامۋ جىلدارىندا ادام قۇقىقتارىن قورعاۋدىڭ قارقىندى دامۋشى ۇلتتىق جۇيەسى قۇرىلعانىن، وندا مەملەكەت باسشىسى جانىنداعى ادام قۇقىقتارى جونىندەگى كوميسسيا مەن ومبۋدسمەن ينستيتۋتىنىڭ ماڭىزدى ورىنعا يە ەكەنىن اتاپ ءوتتى.
گ. ءابدىقالىقوۆا قاتىسۋشىلاردىڭ نازارىن حالىقتىق دەموكراتيا داستۇرلەرىندەگى جانە قازاقستان حالقى ادام قۇقىقتارىنداعى تاريحي ساباقتاستىققا اۋداردى. مەملەكەتتىك حاتشى كورنەكتى الەمدىك وركەنيەتتى زەرتتەۋشىلەردىڭ ءبىرى ارنولد دجوزەف توينبيدىڭ ەڭبەكتەرىنەن تەزيستەر مىسالعا كەلتىردى. ول بوستاندىق سۇيگىش ءومىر سالتىندا، تۇلعاعا قۇرمەتپەن قاراۋدا كورىنىس تاباتىن قۇقىقتىق بوستاندىقتىڭ بولۋى بارلىق نومادتارعا ءتان بولعانىن اتاپ وتكەن، وعان قازاق حالقىنىڭ كوشپەندى مادەنيەتى دە جاتادى.
مەملەكەتتىك حاتشى ءوز سوزىندە «ماحمۇد قاشقاري، مۇحاممەد حايدار دۋلاتي، قورقىت اتا جانە باسقالار سياقتى دالا وركەنيەتىنىڭ ويشىلدارى دالا رۋحىنىڭ وزىندىك كودەكسىن جاسادى، ونىڭ نەگىزى ادامنىڭ تابيعي قۇقىقتارى، رۋحانيات، يماندىلىق بولىپ تابىلادى» دەپ اتاپ ءوتتى.
ءوز ءسوزىن قورىتىندىلاي كەلە گۇلشارا ءابدىقالىقوۆا بارشانى كەلە جاتقان ۇلتتىق مەرەكە - قازاقستان رەسپۋبليكاسىنىڭ تاۋەلسىزدىگى كۇنىمەن قۇتتىقتادى. مەملەكەتتىك حاتشى «ەگەمەندىك العان سوڭ ءبىزدىڭ حالقىمىز، ءبىزدىڭ ەلىمىز جانە ونىڭ ءاربىر ازاماتى جارقىن بولاشاقتى ءوز بەتىنشە قۇرۋدىڭ شىنايى بوستاندىعىنا يە بولدى» دەپ اتاپ ءوتتى. قۇقىق قورعاۋ تەتىگىن جەتىلدىرۋ ءاربىر ادامنىڭ بوستاندىعىن قامتاماسىز ەتىپ قانا قويماي، سونىمەن بىرگە ەلدىڭ ەگەمەندىگىن نىعايتۋعا دا سەپتىگىن تيگىزەدى.
وتىرىسقا قاتىسۋشىلار الدىندا سونداي- اق ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ ءتوراعاسى قۋانىش سۇلتانوۆ، ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ، ب ۇ ۇ- نىڭ قازاقستانداعى تۇراقتى ۇيلەستىرۋشىسى مىندەتىن اتقارۋشى نيكولاي بوتيەۆ، ەۋروپالىق وداقتىڭ قازاقستانداعى وكىلدىگىنىڭ باسشىسى اۋرەليا بۋشەز، ۇلى بريتانيانىڭ قازاقستانداعى ەلشىلىگى ميسسياسى باسشىسىنىڭ ورىنباسارى گرەگ كۋينن جانە بۇۇ دامۋ باعدارلاماسىنىڭ قازاقستانداعى وكىلىنىڭ ورىنباسارى مۋنحتۋيا التانگەرەل قۇتتىقتاۋ ءسوز سويلەدى.
حالىقارالىق ۇيىمدار مەن شەتەلدىك ديپلوماتيالىق وكىلدىكتەر باسشىلارى قازاقستان رەسپۋبليكاسىن ب ۇ ۇ- نىڭ ادام قۇقىقتارى جونىندەگى كەڭەسىنىڭ بيۋروسىنا سايلانۋىمەن قۇتتىقتاپ، ەلدىڭ قۇقىق قورعاۋ قىزمەتىنە تابىس تىلەدى.
دوڭگەلەك ۇستەل وتىرىسىنا قاتىسۋشىلاردىڭ باياندامالارى مەن سويلەگەن سوزدەرىندە حالىقارالىق قۇقىق نورمالارىن ودان ءارى يمپلەمەنتاتسيالاۋدىڭ، ءادىل سوت تورەلىگى جۇيەسى مەن سوتتان تىس قۇرالداردى قوسا العانداعى ادام قۇقىقتارىن قورعاۋدىڭ حالىقارالىق جانە ۇلتتىق تەتىكتەرىن جەتىلدىرۋدىڭ وزەكتى پروبلەمالارى قوزعالدى.
دوڭگەلەك ۇستەل بارىسىندا قازاقستان رەسپۋبليكاسىنىڭ كونستيتۋتسياسى مەن قولدانىستاعى زاڭناماسىندا كەپىلدىك بەرىلگەن ادام قۇقىقتارى مەن بوستاندىقتارىن ىسكە اسىرۋدىڭ كەڭ اۋقىمداعى ماسەلەلەرى بويىنشا مۇددەلى ءارى سىندارلى پىكىر الماسۋ ورىن الدى.
ءىس- شارانى ق ر پرەزيدەنتى جانىنداعى ادام قۇقىقتارى جونىندەگى كوميسسيا، سىرتقى ىستەر مينيسترلىگى، ب ۇ ۇ- نىڭ قازاقستان رەسپۋبليكاسىنداعى وكىلدىگى، ەۋروپالىق وداقتىڭ قازاقستانداعى وكىلدىگى، قازاقستانداعى ۇلى بريتانيا ەلشىلىگى ۇيىمداستىردى.