قازاقستان مەن ءۇندىستان قورعانىس سالاسىندا بىرلەسكەن وقۋ-جاتتىعۋلار وتكىزۋ ماسەلەسىن تالقىلادى - فوتو
ءۇندىستان تاراپىنىڭ شاقىرۋى بويىنشا وتكەن كەزدەسۋ بارىسىندا گەنەرال- پولكوۆنيك س. جاسۇزاقوۆ «اسكەري جانە اسكەري- تەحنيكالىق سالاداعى ىنتىماقتاستىقتى دامىتۋ ەكىجاقتى قارىم- قاتىناستاردىڭ ماڭىزدى باعىتى بولىپ تابىلادى» دەپ اتاپ ءوتتى.
تاراپتار، سونداي-اق، بىرلەسكەن وقۋ-جاتتىعۋلار وتكىزۋ، اسكەري قىزمەتشىلەردىڭ جاۋىنگەرلىك دايارلىعى بويىنشا تاجىريبە الماسۋ ماسەلەلەرىن دە تالقىلادى.
ءۇندىستان قارۋلى كۇشتەرى بىرىككەن قورعانىس شتابىنىڭ باستىعى اۆياتسيا مارشالى پوچان پراساد رەدديمەن كەزدەسۋدە وڭىرلىك جانە عالامدىق قاۋىپسىزدىك، جەدەل جانە جاۋىنگەرلىك دايارلىق بويىنشا بىرلەسكەن ءىس- شارالارداعى ءوزارا ءىس-قيمىلداردى كەڭەيتۋ ماسەلەلەرى تالقىلاندى.
گەنەرال-پولكوۆنيك س. جاسۇزاقوۆ ىنتىماقتاستىقتىڭ ماڭىزدى باعىتى قاتارىندا قازىرگى زامانعى جاۋىنگەرلىك ءىس- قيمىلداردا ءرولى ارتىپ وتىرعان ارنايى ماقساتتاعى كۇشتەردىڭ بولىمشەلەرى اراسىنداعى بايلانىستى كەڭەيتۋدى اتادى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.