بالكونىندا گاراجى بار ءزاۋلىم ءۇي كورىپ پە ەدىڭىز؟ - كەسكىن
ەليتالى تۇرعىن ءۇي كەشەنىنىڭ ءار پاتەرى ەكى كولىككە ارنالعان گاراجبەن قامتىلىپتى، دەپ جازادى Rambler.
56-قاباتتان تۇراتىن تۇرعىن ءۇيدىڭ اۋماعى بىرنەشە ونداعان شارشى مەتردى الىپ جاتىر. دەگەنمەن، بۇل الىپ اۋماقتىڭ ءوزى بيىك ءۇيدىڭ بارلىق تۇرعىندارىن اۆتوتۇراقپەن قامتۋعا جەتپەس ەدى. وسى ورايدا بىرەگەي كەشەننىڭ قۇرىلىسشىلارى تىعىرىقتان ۇتىمدى جول تاپقان. ەندى 56 قاباتتىڭ اراسىندا تەك جولاۋشىلار ليفتى عانا ەمەس، سونداي-اق اۆتوكولىك قۇرالدارىنا ارنالعان جۇك جەدەلساتىسى دا قاتىنايتىن بولادى.
وسىلايشا، اۆتوكولىكتى پاتەردىڭ ىشىنە دەيىن ايداپ كىرۋگە مۇمكىندىك تۋدى. تۇرعىندار ليفتىگە كىرىپ، پاتەرىنىڭ ءنومىرىن كورسەتسە جەتكىلىكتى، اۆتو اپارتامەنتىنە بىرەر مينۋتتىڭ ىشىندە جەتكىزىلەدى.
بيىكتىكتەگى ەرەكشە پاركينگ بولمەدەن شىنى قابىرعامەن وقشاۋلانعان.
Hamilton Scotts - بيىكتىكتەگى تۇراق جۇيەسىمەن قامتىلعان الەمدەگى تۇڭعىش ءزاۋلىم ءۇي. قازىرگى ۋاقىتتا عيمارات جەر شارىنداعى ەڭ قىمبات جىلجىمايتىن مۇلىك نىسانى بولىپ تابىلادى.
BNews.kz