اۋىر اتلەتيكادان ۇزدىكتەر انىقتالدى
«قازاقستانداعى ەڭ تانىمال سپورت تۇرلەرىنىڭ ءبىرى - اۋىر اتلەتيكا. ال زىلتەمىر كوتەرۋدەن مۇنداي شارالار وتكىزۋ اۋىر اتلەتيكانى دامىتۋعا زور ۇلەس قوسپاق. ودان بولەك، تۋرنيردە جاس تالانتتاردى تانىپ، قاتارعا قوسۋعا ۇلكەن مۇمكىندىك بەرىلەدى. حالىقارالىق ارەنادا جەڭىسكە جەتىپ، الەم چەمپيوناتتارى مەن وليمپيادا ويىندارىندا ەل بايراعىن كوتەرەتىن سپورتشىلار وسىنداي دودالاردا ءوسىپ شىعادى. ءبىر جىلدا ءبىز مەكتەپ وقۋشىلارى مەن جاسوسپىرىمدەر جانە ەرەسەكتەر اراسىندا بىرنەشە تۋرنير وتكىزەمىز. ءاربىر چەمپيونات سايىن قاتىسۋشىلار سانى ءوسىپ كەلە جاتقانىن اتاپ وتكىم كەلەدى»، - دەيدى ق ر اۋىر اتلەتيكا فەدەراتسياسىنىڭ جاۋاپتى حاتشىسى مارات مۋسين.
جارىس ناتيجەسى بويىنشا، ەرلەر اراسىندا الماتى قالاسى جالپى ەسەپتە كوش باستادى. ەكىنشى ورىندا ش ق و، ءۇشىنشى ورىندا قىزىلوردا وبلىسى. قىزدار اراسىندا شىعىس قازاقستان ءبىرىنشى، الماتى ەكىنشى، الماتى وبلىسى ءۇشىنشى ورىنعا تۇراقتاعان.