فرانسيا تاراپى قازاقستان ازاماتتارى ءۇشىن ۆيزاسىز ءتارتىپتى ەنگىزۋ ماسەلەسىن قاراستىرۋدا - ف. وللاند

استانا. قازاقپارات - فرانسيا تاراپى قازاقستان ازاماتتارى ءۇشىن ۆيزاسىز ءتارتىپتى ەنگىزۋدى جوققا شىعارمايدى. بۇل تۋرالى بۇگىن اقوردادا ەلباسى نۇرسۇلتان نازاربايەۆپەن كەلىسسوزدەردەن كەيىن تىلشىلەر ساۋالىنا جاۋاپ بەرۋ كەزىندە فرانسۋز رەسپۋبليكاسىنىڭ پرەزيدەنتى فرانسۋا وللاند ءمالىم ەتتى.

 «ءيا، ءبىز بۇل باعىتتا جۇمىس ىستەپ جاتىرمىز جانە ءتيىستى پىكىر الماسۋلار ءجۇرىپ جاتىر. ارينە، ءبىز تۋريستەردىڭ كوپتەپ كەلۋىن قالايمىز، سوندىقتان دا جەڭىلدەتىلگەن اكىمشىلىك راسىمدەردى قامتاماسىز ەتۋىمىز قاجەت» ، - دەدى ف. وللاند.

 ءسوز سوڭىندا فرانسيا باسشىسى قازاقستان ءۇشىن ۆيزاسىز ءتارتىپتى ىسكە قوسۋ دۇرىس قادام ەكەندىگىن، الايدا ونى جۇزەگە اسىرۋعا ءالى جەتپەگەندىكتەرىن اتاپ ءوتتى.

 

اۆتور: رۋسلان عابباسوۆ