قازاقستاندىق «سامۇرىق- قازىنا» قورى مۇناي باعاسىنىڭ قۇلدىراۋىنا بايلانىستى ۇزاق مەرزىمدى كەلىسىمدەرگە قول قويۋدى توقتاتتى

الماتى. قازاقپارات - «سامۇرىق- قازىنا» قورى مۇناي باعاسىنىڭ قۇلدىراۋىنا بايلانىستى ۇزاق مەرزىمدى كەلىسىمدەرگە كەلۋدى توقتاتتى. بۇل تۋرالى بۇگىن الماتىدا وتكەن «مەملەكەتتىك تاپسىرىس-2014» اكسياسى بارىسىندا «سامۇرىق- قازىنا كونتراكت» ا ق باس درەكتورى سەرىكبەك ەلشىبەكوۆ ايتتى.

«مۇناي باعاسىنىڭ قۇلدىراۋى قور كومپانيالارىنىڭ ۇزاق مەرزىمدى كەلىسىمدەرگە قول قويۋدى توقتاتۋىنا اكەلدى. بۇل تەك بيۋدجەتتىك قايتا قاراۋمەن عانا بايلانىستى ەمەس. مۇناي باعاسىنىڭ قارقىندى وزگەرۋىنەن كاسىپكەرلەردىڭ قيىن جاعدايعا ءتۇسىپ قالۋ مۇمكىندىگىن جوققا شىعارمايمىز»، - دەدى ول.

سەرىكبەك ەلشىبەكوۆتىڭ ايتۋىنشا، ق ر پرەمەر- ءمينيسترىنىڭ تاپسىرۋىمەن قور كومپانيالارىنىڭ باسىم كوپشىلىگى 5 جىلدىق مەرزىمگە كەلىسىمدەرگە قول قويعان. اتالعان كەلىسىمدەردىڭ نەگىزىندە 5 جىلدىڭ ساتىپ الۋ جوسپارى جاسالدى.

قازىرگى تاڭدا «سامۇرىق- قازىنا» ءال- اۋقات قورىنىڭ كومپانيالار توبى قۇنى 1 ترليون 147 ميلليارد  تەڭگە بولاتىن 771 ۇزاق مەرزىمدى كەلىسىمگە قول قويعان. ولاردىڭ ىشىندە 171 كەلىسىم الماتى قالاسىنىڭ جەتكىزۋشىلەرىمەن بەكىتىلگەن.

اۆتور: گۇلميرا عوسمانالي