سەمەيلىك وقۋشىلار الەمدەگى ەڭ ۇزدىك وقۋشى اتاندى

استانا. قازاقپارات - سەمەيدە نازاربايەۆ زياتكەرلىك مەكتەبىنىڭ 12-سىنىپ وقۋشىلارى جانىبەك ءالي مەن تىلەس وسەربايەۆ حالىقارالىق ءبىلىم سىناعىندا الەمدەگى ەڭ ۇزدىك وقۋشى اتاندى.

ول سىناقتا قوس جەرلەسىمىز اعىلشىن تىلىندە ماتەماتيكا مەن فيزيكا پاندەرى بويىنشا ءبىلىم دەڭگەيلەرىن كورسەتتى.

ءبىر مەزەتتە دۇنيە ءجۇزى بويىنشا وتكىزىلگەن SAT حالىقارالىق ءبىلىم بايقاۋىندا ەڭ جوعارعى 800 بال جيناپ، ارنايى سەرتيفيكات يەلەندى. ءسويتىپ دارىندى وقۋشىلار گارۆارد، وكسفورد، كەمبريدج ءتارىزدى الەمنىڭ ىلگەرى وقۋ وردالارىندا ءبىلىم الۋ مۇمكىندىگىنە يە بولدى.

ايتا كەتەيىك، بىلتىر ءدال وسى سىناقتا، سەمەيلىك تاعى ءبىر وقۋشى اينۇر ماشپيەۆا توپ جارعان ەدى. ەندى وسى جەتىستىكتى جانىبەك ءالي مەن تىلەس وسەربايەۆ قايتالاپ وتىر. شەت تىلدە سىناق تاپسىرىپ، ۇزدىك شىققان ولار دا ەلباسى ۋنيۆەرسيتەتىنە تاڭداۋ جاساپتى. ويتكەنى بۇل جوعارى وقۋ ورنى دا ءبىلىم دەڭگەيى الەمدەگى ەڭ ۇزىكتەردىڭ قاتارىندا تۇر.