مەملەكەت باسشىسى: قازاقستاننان قىتاي ارقىلى تىنىق مۇحيتىنا شىعاتىن جاڭا جىبەك جولىن قۇردىق
ەڭ الدىمەن بىزدەر ءۇشىن تاريحي ءارى ماڭىزدى شاراعا يران جەرىنە شاقىرتۋى ءۇشىن ءوزىمنىڭ زور العىسىمدى بىلدىرگىم كەلەدى. قازاقستان يران تەمىر جولى ارقىلى پارسى شىعاناعىنا شىعۋدى ۇزاق ۋاقىتتان كۇتىپ، ارمانداپ ەدى. ەندى مىنە بۇل جارقىن وقيعا ورىن الىپ وتىر» ، دەدى ەلباسى.
سونىمەن قاتار مەملەكەت باسشىسى قازاقستان، تۇركىمەنستان جانە يران ەلدەرى جالپى ۇزاقتىعى 900 شاقىرىمنان اساتىن تەمىر جولدى توسەپ شىعىپ، ورتا ازيانىڭ بارلىق مەملەكەتتەرى مەن قازاقستاندى يران ارقىلى پارسى شىعاناعىنا جالعاعانىن باسا ايتتى.
«جول قۇرىلىسى، كوپىر قۇرىلىسى وتە قايىرىمدى ءىس سانالادى. بۇل ءبىزدىڭ قۇراندا دا ايتىلعان. ءبىز، ءۇش پرەزيدەنت حالقىمىز ءۇشىن زور ءىس اتقاردىق. بىرىنشىدەن، تەمىر جول توڭىرەگىندە ءار ۋاقىتتا دا تىرشىلىك جاندانىپ، ادامدار جۇمىس تابادى، ەلدىڭ ءوزى دە داميدى. ەكىنشىدەن، ءۇش ەل اراسىنداعى ساۋدا داميدى. ۇشىنشىدەن، الەمنىڭ باسقا دا بارلىق ەلدەرىمەن جۇك تاسىمالى داميدى. ياعني، بۇگىن ءبىز ءۇش ەل ارقىلى قازاقستاننان قىتاي ارقىلى تىنىق مۇحيتىنا شىعاتىن جاڭا جىبەك جولىن قۇردىق» ، - دەدى ن. نازاربايەۆ.
اۆتور: مارلان جيەمباي