ورالداعى رەسەيلىك تەلەارنالار وشىرىلەدى
استانادان ارنايى كەلگەن ماماندار كورشى ەل تەلەارنالارىنىڭ ايماقتا نەگە كورسەتىلمەيتىنىن ءتۇسىندىرىپ بەردى.
"وزگە ايماقتار بىرتىندەپ وتاندىق تەلەارناعا بەت بۇرىپ جاتىر. سوندىقتان، ورالدىقتار، سىزدەر دە بۇل ۇردىستەن شەت قالمايسىزدار. 2017 - جىلعا دەيىن وڭىردەگى ءتۇرلى بالامالى تەلەارنالار ءوشىرلىپ، "وتاۋ TV-عا" كوشەتىن بولادى"، - دەدى "قازتەلەراديو" ا ق باسپا ءسوز حاتشىسى راۋان ەسقالي.
"قازتەلەراديو" ا ق جەرگىلىكتى فيليالى ديرەكتورىنىڭ ورىنباسارى نۇرلان قادىروۆتىڭ ايتۋىنشا، رەسەيلىك تەلەارنالاردى وشىرۋگە ولار ءماجبۇرلى تۇردە بارىپ وتىر.
"بۇل كۇندەرى ورالدا قولدانىلىپ جۇرگەن سپۋتنيكتىك "تارەلكالار" قازاقستاندا تىركەلمەگەن. سوندىقتان، سالىق تا تولەمەيدى. ءبىز رەسەيلىك تەلەارنا باسشىلارىمەن تالاي رەت تىلدەسىپ، زاڭنان اۋىتقىماۋىن ايتقانبىز. الايدا، ولار قۇلاق اسقان جوق. سول سەبەپتى، ولارعا ەندى وسىلاي شارا قولدانامىز"، - دەدى قادىروۆ. مامانداردىڭ ايتۋىنشا، تىركەلمەگەن "تارەلكالاردىڭ" سالدارىنان قازاقستان جىل سايىن 2 ميلليارد تەڭگە سالىقتان قاعىلىپ وتىر.
زاڭنان بولەك، ماماندار رەسەيلىك تەلەارنانىڭ قازاقستاندىق كورەرمەندەرگە تەرىس اسەر ەتەتىن تۇستارىن دا ايتتى. "سىزدەر جاڭاوزەندەگى وقيعا نەدەن بولدى دەپ ويلايسىزدار؟ سەبەبى، تۇرعىندار شەتەلدىك تارەلكالارمەن "ءومىر ءسۇردى" دە، وزگە اقپاراتتى قۇلاققا ءسىڭىردى"، - دەدى راۋان ەسقالي.
بۇگىندە "وتاۋ TV" ارقىلى 23 ارنا كورەرمەنگە جول تارتادى.
NUR. KZ