ق ر ۇلتتىق بانكى حالىقارالىق يسلام قارجى نارىعىنا ەندى

الماتى. قازاقپارات - ق ر ۇلتتىق بانكى حالىقارالىق يسلام قارجى نارىعى مەن يسلام قارجىلىق ينستيتۋتتارىنىڭ بۋحالتەرلىك ەسەبى مەن اۋديتى ۇيىمدارىنىڭ قاتارىنا ەندى.

بۇل تۋرالى ق ر ۇلتتىق بانكىنىڭ باسپا ءسوز قىزمەتى حابارلادى.

قازاقستاننىڭ باس قارجىلىق ۇيىمى اتالعان ۇيىمدارعا كىرۋگە باحرەيننىڭ ماناما قالاسىندا ءوتىپ جاتقان 21 بانكىلىك كونفەرەنسيا بارىسىندا ءوتىنىم بەردى (The Accounting and Auditing Organization for Islamic Financial Institutions, International Islamic Financial Market).

بۇل ۇيىمدارعا مۇشە بولۋ يسلام قارجىلاندىرۋ جۇيەسىندەگى بۋحالتەرلىك ەسەپتى جۇرگىزۋ ستاندارتتارىن، يسلام قارجىلاندىرۋ ينسترۋمەنتتەرىنىڭ وتىمدىلىگىن باسقارۋ تەتىگىن مەڭگەرۋگە ىقپال ەتپەك.

كونفەرەنسيا بارىسىندا ق ر ۇلتتىق بانك ءتوراعاسىنىڭ ورىنباسارى نۇرلان قۇسايىنوۆ ەلدەگى يسلام قارجىلاندىرۋ جۇيەسىنىڭ دامۋ قارقىنىمەن تانىستىردى.

كەزدەسۋ بارىسىندا قازاقستاندىق دەلەگاتسيا باحرەين ورتالىق بانكى، Dubai International Financial Centre Authority مەن Dubai Financial Services ۇيىمدارىنىڭ وكىلدەرىمەن كەزدەسىپ، ءوزارا ىنتىماقتاستىق ماسەلەلەرىن تىلگە تيەك ەتتى.

Dubai International Financial Centre Authority   وكىلدەرى الماتى قالاسىنىڭ ايماقتىق يسلام قارجىلاندىرۋ حابى رەتىندەگى ءرولىن جوعارى باعالادى.

اۆتور: گۇلميرا عوسمانالي