تۇركيادا جۇمىس ساپارىمەن بولعان ريم پاپاسى مەشىتتە قۇلشىلىق ەتتى
15:23, 01 - جەلتوقسان 2014
استانا. قازاقپارات - تۇركيادا 3 كۇندىك ساپاردا بولعان ريم پاپاسى ستامبۇلداعى سۇلتان احمەت اتىنداعى ورتالىق مەشىتكە باس سۇعىپ، قۇلشىلىق قىلدى.
بۇل - پونتيفيكتىڭ وسى لاۋازىمعا وتىرعاننان كەيىنگى مۇسىلمانداردىڭ عيبادات ۇيىنە ءبىرىنشى رەت كىرۋى.
ريم پاپاسى قالانىڭ باس ءمۇفتيى راحمي يارانمەن بىرگە ءبىر ساپقا تۇرىپ، ءجۇزىن قۇبىلاعا بۇرىپ، 2 مينۋت ءمىناجات ەتتى. ءمۇفتي پونتيفيككە وسى كوگىلدىر مەشىتتىڭ تاريحىن قىسقاشا ايتىپ بەردى.
فرانتسيسك، ريم پاپاسى:
- وسى ايماقتا عانا ەمەس، سونداي- اق افريكاداعى لاڭكەستىك ارەكەتتەردى كورگەن ادام ەگەر بۇل يسلام بولسا، مەنىڭ اشۋ- ىزامدى تۋدىرادى دەپ شىعا كەلەدى، وسىلايشا كوپتەگەن مۇسىلمانداردىڭ كوڭىلىنە قاياۋ تۇسەدى. كوپشىلىك «ءبىز سودىر ەمەسپىز، پايعامبار جەتكىزگەن قۇران - بەيبىتشىلىك كىتابى» دەيدى. مەنىڭ دە ايتارىم، لاڭكەستىكتىڭ يسلامعا ەش قاتىسى جوق.