اتاقتى فۋتبولشى تاعى دا جول اپاتىنا ۇشىرادى

استانا. قازاقپارات - اتاقتى فۋتبولشى دەۆيد بەكحەم لوندوندا ءوزىنىڭ 15 جاسار ۇلى برۋكلينمەن بىرگە جول اپاتىنا ۇشىرادى.

ول بالاسىن "ارسەنال" فۋتبول كلۋبىنداعى جاتتىعۋدان الىپ كەلە جاتقان.

بەكحەمنىڭ Audi كولىگى قاتتى زاقىمدانعان، ول قايتا قالپىنا كەلتىرۋگە جارامايدى. ال فۋتبولشى يىعىنان جاراقاتتاندى، دەپ حابارلايدى The Daily Mail.

ەسكە سالا كەتسەك، وتكەن جىلعى قاراشادا بەكحەم ءوزىنىڭ بالاسىمەن بىرگە جول-كولىك اپاتىنا ۇشىراعان ەدى. ول كەزدە وقىس وقيعا لوس-انجەلەستە، ءۇيىنىڭ ماڭىندا ورىن العان بولاتىن. بەكحەم ۇيىنەن شىعا بەرە قارسى كەلە جاتقان ماشينامەن سوقتىعىسقان. ءبىراق ول كەزدە ەشكىم زارداپ شەكپەگەن، كولىكتەر دە ونشا زاقىمدانباعان ەدى.