تاريحي دۇنيە تاستان تابىلدى

استانا. قازاقپارات - ەرەكشە تاس كراسنويارسك ولكەسىنەن بىلتىر تابىلعان، ءبىراق ەندى عانا جاريا بولىپ وتىر. ونى لابينسك قالاسىنا جاقىن ماڭداعى حودز وزەنىندە بالىق اۋلاپ وتىرعان جەرگىلىكتى تۇرعىن ۆيكتور موروزوۆ تاپقان.

تاستىڭ بەتىندە بالقىتىلعان ميكروچيپكە ۇقساس، عىلىمعا بەيمالىم تاڭبا انىق كورىنەدى. كەيبىر عالىمدار بۇرىن جەر بەتىندە قازىرگىدەن دە وزىق دامىعان تەحنوگەندى وركەنيەت بولعان دەگەن بولجام جاسادى. ولار اتلانتتار نەمەسە ەجەلگى ادامدار بولۋى دا ىقتيمال.

ۆ ك پرەسس-ءتىڭ حابارلاۋىنشا، عالىمدار تابىلعان تاسقا قاتىستى ءبىر عانا مالىمەتتى انىقتادى، ول - ونىڭ جاسى . تاس جارتى ميلليارد جىلدان بەرى بار. ماماندار ونى ابدەن زەرتتەگەن.

وڭتۇستىك رەسەي مەملەكەتتىك تەحنيكالىق ۋنيۆەرسيتەتى جاڭا ماتەريالدار مەن نانوتەحنولوگيالار عزي مالىمەتتەرىنە قاراعاندا، ميكروچيپى بار تاس ەجەلگى داۋىردە تەڭىزدى مەكەندەگەن كرينويدەيا نەمەسە تەڭىز لالاگۇلىنىڭ ءبىر بولشەگى بولۋى مۇمكىن.

«كولەمى 15х11х4,5 سانتيمەتر، اقشىل قوڭىر ءتۇستى، جىلتىر ۇلگى تەڭىز لالاگۇلدەرىنىڭ قالدىقتارىنان جانە كولەمى 1 سانتيمەتر بولاتىن ۇساق باقالشىقتاردان تۇرادى. ونىڭ گەوحرونولوگيالىق جاسى شامامەن - سيلۋر- ديەۆون ءداۋىرى، ياعني 410-450 ميلليون جىل. لالاگۇل ساباعى فراگمەنتىنىڭ ۇلگىسى ساباقتىڭ ءوزىنىڭ بىلىگىن بويلاي كەسكەندەگى ءتۇرى ىسپەتتى»، - دەلىنگەن عىلىمي-زەرتتەۋ ينستيتۋتىنىڭ جاۋابىندا. kaz.tengrinews.kz