شۇعىل: تالدىقورعانداعى جارىلىس - قازا تاپقاندار بار
08:01, 30 - قاراشا 2014
تالدىقورعان. قازاقپارات - 30 - قاراشادا، تۇنگى ساعات بىردە تالدىقورعان قالاسىنداعى وبلىستىق اۋرۋحاناعا بىرىنەن سوڭ ءبىرى كۇيىك شالعان ءۇش بالا جانە ەكى ەرەسەك ادام جەتكىزىلدى.
اۋرۋحاناداعى دەرەككوزدىڭ مالىمەتىنە قاراعاندا، بۇلار - تالدىقورعانداعى ەركىن سەلوسىندا ەكى قاباتتى كوپپاتەرلى ۇيدە بولعان جارىلىستان زارداپ شەككەندەر.
جاراقاتتانعانداردىڭ جاعدايى اۋىر، ولاردىڭ ءبارى جانساقتاۋ بولىمىندە.
قازىرگى ۋاقىتتا ت ج قىزمەتكەرلەرى اپات بولعان جەردە ءورتتى وشىرۋمەن شۇعىلدانىپ جاتىر. سونداي- اق، ءۇش ادامنىڭ قازا تاپقاندىعى بەلگىلى بولدى.
الدىن الا بولجامعا قاراعاندا، جارىلىسقا گاز باللونى سەبەپ بولۋى مۇمكىن.