شاشتارازدا بەلگىسىز بىرەۋ ادامداردى اتىپ كەتتى
09:15, 27 - قاراشا 2014
استانا. قازاقپارات - امەريكالىق رەدينگ قالاسىندا (پەنسيلۆانيا شتاتى) سارسەنبى كۇنى بولعان اتىس سالدارىنان ءتورت ادام جاراقاتتاندى.
جەرگىلىكتى پوليتسيانىڭ اقپاراتىنا قاراعاندا، تاپانشامەن قارۋلانعان ەر ادام ءىرى ساۋدا ورتالىعىنىڭ اۋماعىندا ورنالاسقان شاشتارازعا كىرىپ كەلىپ، ونداعى ادامدارعا وق جاۋدىرعان.
جاپا شەككەندەر اۋرۋحاناعا جەتكىزىلدى، بىرەۋى اۋىر حالدە.
وق اتقاننىڭ كىم ەكەندىگى جانە مۇنداي ارەكەتكە بارۋىنا نە تۇرتكى بولعانى ازىرگە بەلگىسىز. قىلمىسكەردى ىزدەستىرۋ جۇمىستارى جۇرگىزىلۋدە، دەپ حابارلادى ت ا س س.