مايور ەربولات سۇلتانوۆتىڭ حابارلاعانىنداي، ساپتىق تەكسەرىستەن كەيىن بايقاۋعا قاتىسۋشىلار «باتىس» وڭىرلىك قولباسشىلىعىنىڭ باسشىلارىمەن كەزدەسىپ، وزدەرىن تولعاندىرىپ جۇرگەن ساۋالدارعا جاۋاپ الدى. بايقاۋ بارىسىندا ولار مەملەكەتتىك- قۇقىقتىق دايىندىق، قىزمەتتىك- جاۋىنگەرلىك قولداۋ تاكتيكاسى، جالپى اسكەري جارعىلار، اتىس دايىندىعى، دەنە شىنىقتىرۋ، ساپتىق ازىرلىك، باتالون شارۋاشىلىعىن جۇرگىزۋدەن سىناق تاپسىردى. سونداي- اق نىسانا كوزدەۋدەن دە سىنعا ءتۇستى.
سايىس قورىتىندىسىندا اقتاۋ قالاسىنداعى 6656- اسكەري بولىمىنەن كەلگەن مايور ءۇمىتجان يمامجانوۆ «ۇزدىك باتالون كومانديرى» ، وسى اسكەري بولىمنەن كاپيتاندار رومان ءابدىراحمانوۆ «باتالون كومانديرىنىڭ تاربيە جانە الەۋمەتتىك- قۇقىقتىق جۇمىستار جونىندەگى ۇزدىك ورىنباسارى» ، ازامات نۇرجانوۆ «ۇزدىك شتاب باستىعى» اتاندى. «باتىس» وڭىرلىك قولباسشىسى، پولكوۆنيك قايرات اقتانوۆ ولارعا ديپلومدار مەن باعالى سىيلىقتاردى تابىس ەتتى.
جەڭىمپازدار الداعى جىلى قاڭتاردا وتەتىن بايقاۋدىڭ قورىتىندى، ءۇشىنشى كەزەڭىنە جولداما الدى.