الەم چەمپيونى اتانعان قايرات «قارا جورعا» ءبيىن بيلەپ، جانكۇيەرلەردىڭ كوزايىمىنا اينالدى
قازاقستاندىق سايىسكەر، بۇعان دەيىن بىردە-ءبىر رەت جەڭىلىپ كورمەگەن قايرات (لاقاپ اتى «قازاق») احمەتوۆ فرانسيالىق سالاح (لاقاپ اتى «الجيرلىك») ەلكاستى جەڭدى.
سايىس باستالا سالىسىمەن قارسىلاستار ءبىر-ءبىرىن اڭدۋعا كوشتى. الايدا، كوپ ۇزاماي سوققى جاساۋعا ۇمتىلعان قارسىلاسىن قايرات جەرگە اتىپ ۇردى. دەگەنمەن، ءبىر-بىرىنە سوققى جاساۋعا مۇمكىندىك بەرمەگەن قوس سايىسكەردى تورەشى تۇرعىزىپ جىبەردى.
ەكىنشى راۋندتا دا جەڭىمپاز انىقتالعان جوق. سايىس نەگىزىنەن پارتەردە جالعاستى. ال ءۇشىنشى راۋند قايراتتىڭ باسىمدىعىمەن ءوتتى. ول شارشاپ قالعان قارسىلاسىن پارتەردە تورعا تاقاپ، ءدال سوققىلار جاساي ءبىلدى.
وسىلايشا، كەزەكتى جەڭىسىنە قول جەتكىزگەن قايرات كەزەكتى رەت «قارا جورعا» ءبيىن بيلەپ، جانكۇيەرلەردىڭ كوزايىمىنا اينالدى. ول «Alash Pride FC» نۇسقاسى بويىنشا الەم چەمپيونى بەلبەۋىن جەڭىپ الدى.
سونداي-اق 65 كەلى سالماق دارەجەسىندە ەرجان (لاقاپ اتى «ارلان» ) ەستانوۆ پەن داعىستاندىق راسۋل (لاقاپ اتى «قارا جولبارىس» ) مىرزايەۆ اراسىندا كوپتەن كۇتكەن قارىمتا كەزدەسۋ ءوتتى. العاشقى كەزدەسۋ بۇدان 2 جىل بۇرىن وتكىزىلىپ، راسۇل مىرزايەۆ جەڭىسكە جەتكەن بولاتىن. كوپتەن كۇتكەن قارىمتا ماتچ وتكىزىلدى.
سايىس باستالا سالىسىمەن قورعانا شابۋىل جاساۋعا كوشكەن ەرجان قارسىلاسىنىڭ سوققىلارىنا ويداعىداي تويتارىس بەرە ءبىلدى. الايدا داعىستاندىق سايىسكەر وتانداسىمىزدى تورعا قاراي تىقسىرا بەردى.
وكىنىشكە قاراي، ەكىنشى راۋندتا ەرجاننىڭ شارشاعاندىعى ايقىن بايقالدى. ال ۇنەمى شابۋىلداۋمەن بولعان راسۋل مىرزايەۆتىڭ اۋىر سوققىلارى دالىرەك بولدى. قازاقستاندىق سايىسكەر ءۇشىنشى راۋندتقا شىعۋدان باس تارتتى. وسىلايشا جەڭىلىستىڭ اشتى ءدامىن تاتىپ كورمەگەن راسۋل مىرزايەۆ كاسىبي جەكپە-جەكتە توعىزىنشى جەڭىسىنە قول جەتكىزدى.
اۆتور: جاپپاربەرگەن ايبوتا