اق ۇيگە باسا- كوكتەپ كىرمەك بولعان ايەل ۇستالدى
17:50, 21 - قاراشا 2014
استانا .قازاقپارات - ا ق ش- تا قارۋلانىپ العان ايەل ادام اق ۇيگە كىرمەكشى بولعان. بارلاۋ قىزمەتى اگەنتتەرى ۇستاعان ازاماتشا ميچيگان شتاتىنىڭ تۇرعىنى ەكەنى انىقتالدى.
ونىڭ تاپانشاسى بەلىندەگى قاپتامادان تابىلعان. اقپارات اگەنتتىكتەرىڭ حابارلاۋىنشا، قازىر ءتيىستى ماماندار قاسكۇنەمدى تەرگەپ جاتىر. ايتا كەتەيىك، سوڭعى كەزدەرى بۇل ەلدە پرەزيدەنت سارايىنا شابۋىل جاساعىشتار كوبەيىپ كەتتى. بۇعان دەيىن ايوۆا شتاتىنىڭ تۇرعىنى اق ۇيگە باسىپ كىرمەك بولعاندا قولعا تۇسكەن ەدى. ونىڭ كولىگىنەن پوليتسەيلەر سۋىق قارۋدىڭ بىرنەشە ءتۇرىن تاپقان بولاتىن.
24.kz