موڭعوليا مەن رەسەي اراسىندا ۆيزاسىز رەجىم ورناتىلدى

استانا. قازاقپارات - موڭعوليا مەن رەسەي ازاماتتارى ەكى ەل اۋماعىندا ءبىر ايعا دەيىن ەمىن- ەركىن ءجۇرىپ تۇرا الادى.

بۇل تۋرالى رەسەيدىڭ موڭعولياداعى ەلشىلىگىنىڭ كونسۋلدىق قىزمەتىنىڭ ءبولىم باسشىسى ۆ. ۆ. گورياچيەۆ، موڭعوليا سىرتقى ىستەر مينيسترلىگىنىڭ كونسۋلدىق قىزمەت دەپارتامەنت ديرەكتورىنىڭ ورىنباسارى باتاا باسپا ءسوز ءماسليحاتىندا حابارلادى.

 ەستەرىڭىزگە سالا كەتسەك، 2014 - جىلى قىركۇيەكتىڭ 3 - كۇنى موڭعوليا ۇكىمەتى مەن رەسەي فەدەراتسياسىنىڭ ۇكىمەتى اراسىنداعى ءوزارا ۆيزالىق تالاپتاردى جويۋ تۋرالى كەلىسىمگە قول قويعان. سول كەلىسىم اياسىندا ەكى ەل ازاماتتارىنىڭ ەكى ەل اۋماعىنا ۆيزاسىز قاتىناۋى  13 - قاراشادان  باستالدى.

mongolianislam.mn