قىزدارعا ارنالعان «اقىلدى» سىرعا جاسالدى - كەسكىن

استانا. قازاقپارات - سوڭعى كەزدەرى ماماندار كەز-كەلگەن نارسەنى «اقىلدى» ەتىپ شىعارۋعا تىرىسىپ ءجۇر. قىزداردىڭ اشەكەي بۇيىمى سىرعا بۇدان تىس قالماپتى.

ءبىر قاراعاندا بۇل سىرعا قاراپايىم زەرگەرلىك تۋىندى سەكىلدى كورىنەدى. ءبىراق، قۇرىلعى ءوز يەسىنىڭ دەنساۋلىعىن باقىلاي الادى. قولدانۋشى ونى سمارتفونعا سىمسىز قوسۋ ارقىلى بارلىق اقپاراتتى ديسپلەيدەن كورە الادى.

«اقىلدى» سىرعالار يەسىنىڭ جۇرەك سوعىسىنىڭ جيىلىگىن، بەلسەندىلىك دەڭگەيىن كورسەتە الادى. ونى iOS جانە Android پلاتفورماسىندا جۇمىس ىستەيتىن بارلىق اپپاراتتارعا قوسۋعا بولادى.

ءونىمدى كانادانىڭ BioSensive Technologies كومپانياسى جاساپ شىعارعان.

«ءبىزدىڭ ويىمىزشا، ادامنىڭ قولداناتىن بارلىق زاتتارىندا پايدالى فۋنكتسيالار بولۋى ءتيىس. سوندىقتان، ءبىز وسى Ear-o-Smart دەپ اتالاتىن سىرعانى جاساپ شىعاردىق»، - دەيدى قۇراستىرۋشىلار.

«سمارت» سىرعا 2015-جىلدىڭ باسىندا كانادادا ساتىلىمعا شىعادى. ورتاشا باعاسى 110 اقش دوللارى بولماق. قۇرىلعىنىڭ ىشكى قۇرىلىمىن عانا ساتىپ الىپ، سىرت قابىن زەرگەرگە جاساتىپ الۋعا دا بولادى.

massaget.kz