«مەن ەڭ ۇزدىكپىن!!! ماعان جانكۇيەر بولعانداردىڭ بارىنە راحمەت! بۇل ءبىزدىڭ جەڭىسىمىز!!!»، - دەپ جازدى يليا ءوزىنىڭ Instagram-داعى پاراقشاسىنداعى سۋرەتكە تۇسىندىرمەسىندە، سۋرەتتە ول 2014 - جىلعى الەم بىرىنشىلىگىنىڭ ۇزدىك اتلەت كۋبوگىن قولىنا ۇستاپ تۇر.
ەسكە سالا كەتەيىك، سەنبى كۇنى الماتىداعى اۋىر اتلەتيكادان الەم چەمپيوناتىندا يليا يلين ءتورتىنشى دۇركىن الەم چەمپيونى اتاندى، ول ءوزىنىڭ جاڭا سالماعى - 105 كەلىدە التىن مەدالدى جەڭىپ الدى.
قوسسايىستا يليا يلين 432 كەلىنى (190 242) كوتەردى. ەكىنشى ورىندا وزبەكستاندىق رۋسلان نۋرۋدينوۆ - 432 كەلى (193 239)، ءۇشىنشى ورىندا رەسەيلىك داۆيد بەدجانيان - 427 كەلى (187 240).
قازاقستان قۇراماسى جالپى كوماندالىق ءۇشىنشى ورىنعا يە بولدى. ءبىزدىڭ اۋىراتلەتتەر ءۇش التىن جانە ەكى كۇمىس مەدالعا يە بولدى.