سوقتىعىسقان ەكى كولىكتىڭ ورتاسىندا قالعان جۇرگىنشى امان قالدى - كەسكىن
08:20, 17 - قاراشا 2014
استانا. قازاقپارات - عالامتوردا جاريالانعان رەسەيدىڭ تۋلا وبلىسىندا ورىن العان جول-كولىك اپاتى تۇسىرىلگەن تاڭقالارلىق بەينەروليك كوپشىلىكتىڭ نازارىنا ىلىكتى، دەپ جازادى روسبالت.
كادردا بەينەلەنگەندەي، كولىك كوپ جۇرەتىن كۇرە جولدى كەسىپ ءوتىپ كەتپەكشى بولعان جاس جىگىت سوقتىعىسقان ەكى كولىكتىڭ ورتاسىندا قالسا دا، امان قالدى.
قاس قاعىم ساتتە جۇرگىنشى سوقتىعىس سالدارىنان بىتىراي ۇشقان سىنىقتار اراسىنان كورىنبەي كەتىپ، ارتىنشا ساپ- ساۋ ورنىندا تۇرعانى كورىنەدى.
اپات 2014 - جىلعى 7 - قاراشادا نوۆوموسكوۆسكىدە ورىن الدى. اپاتتان زارداپ شەككەندەر جوق.