جاقىن ۋاقىتتاردا «يسلام مەملەكەتى» ءتول اقشاسىن شىعارماق
ءوز مالىمدەمەسىندە «ي م» «جاڭا ۆاليۋتانىڭ تيراندىق قارجى جۇيەسىنەن قورعانۋعا مۇمكىندىك بەرەتىنىن» حابارلاعان. جاڭا ۆاليۋتادا مونەتانىڭ جەتى ءتۇرى بولادى: ەكى التىن، ءۇش كۇمىس جانە ەكى قولا.
جەكە ۆاليۋتانى قۇرۋ شەشىمى «تولىقتاي قۇدايعا ارنالادى» جانە جاۋىنگەرلەرگە جاھاندىق ەكونوميكالىق جۇيەنى پايدالانۋدان باس تارتۋعا مۇمكىندىك بەرەدى.
بريتانيالىق The Independent گازەتى «ي م» تاريحتاعى ەڭ باي تەررورلىق ۇيىم دەپ اتاعان. باسىلىمنىڭ مالىمەتىنە قاراعاندا، ۇيىم كۇنىنە ءۇش ميلليون دوللاردان استام قارجى تابادى. بۇل كىرىس قارا نارىقتا مۇناي ساتۋدان، بوپسالاۋشىلىق، ۇرلىق مەن ادامداردى ساتۋدان كەلەدى.
قازىرگى ۋاقىتتا «يسلام مەملەكەتى» ۇيىمىنىڭ جاۋىنگەرلەرى سيريا مەن يراكتاعى بەلگىلى ءبىر اۋماقتاردى باقىلاپ وتىر. ولار ايماقتىڭ سوعىسقا قابىلەتتى توپتاردىڭ ءبىرى بولىپ تابىلادى.
«ي م» ۇيىمى يراكقا 2014 - جىلدىڭ ماۋسىمىنان كىرگەن. ولار ەلدىڭ سولتۇستىگى مەن باتىسىنداعى بىرنەشە ەلدى مەكەندەردى باسىپ الىپ، باعدادقا جاقىنداپ، يراكپەن شەكارالاس باسقا دا مەملەكەتتەرگە قاۋىپ ءتوندىردى.