رەسەيدە قازاقستاندىق بويجەتكەن ءوزىن-ءوزى ءولتىردى
قازىرگى ۋاقىتتا تەرگەۋ ورىندارى وقيعانىڭ ءمان-جايى مەن مارقۇمنىڭ ارەكەتىنىڭ سەبەپتەرىن انىقتاپ جاتىر. تەرگەۋ كوميتەتى ماماندارى تەكسەرۋ شەڭبەرىندە سوت-مەديتسينالىق ساراپتاماسى تاعايىندالعانىن ايتتى. تەكسەرۋ شارالارى اياقتالعاننان كەيىن تەرگەۋ ءتيىستى شەشىم قابىلدايدى. وقيعا 11- قاراشا كۇنى وبلىس ورتالىعىنداعى ورال كوشەسىندەگى ۇيلەردىڭ ءبىرىنىڭ پاتەرىندە بولعان.
وقيعا ورنىن قاراۋ بارىسىندا مارقۇمنىڭ دەنەسىندە جاراقات نەمەسە زورلىق-زومبىلىق بەلگىلەرى بولماعانى انىقتالدى. الدىن الا مالىمەت بويىنشا، قازاقستاننىڭ 20 جاستاعى ازاماتشاسى كالينينگرادقا ەكى اپتا بۇرىن كەلگەن. بۇل قالادا تانىستارى بولعاننان كەيىن ول مۇندا بۇرىن دا كەلىپ جۇرگەن. ول كالينيگرادتا پاتەر جالداپ تۇراتىن ەكى تانىس ەر ادامنىڭ ۇيىنە توقتاعان. قىز مۇندا جۇمىس تاپقانشا تۇرا تۇرماق بولعان. ءبىراق قىز قالادان جۇمىس تابا المايدى.
11- قاراشا كۇنى كەشكىسىن قىزدىڭ جۇمىستان ۇيىنە كەلگەن تانىستارىنىڭ ءبىرى ونىڭ جىپكە اسىلىپ تۇرعانىن كورەدى. تەرگەۋدىڭ مالىمەتىنشە، وزىنە-ءوزى قول جۇمساعان قىز ولەرىنەن بۇرىن قازاقستانداعى جىگىتىمەن حات الىسقان. ول جىگىتىنە بارلىق ماسەلەلەردىڭ شەشىمىن تاپقانىن ايتىپتى.