فۋتبولشى مەسۋت وزيلدى اكەسى سوتقا بەردى
اكە مەن بالانىڭ اراقاتىناسىنا اسەر ەتكەن اقشا بولىپ وتىر.
مەسۋت وزيل وتكەن جىلى اكەسى مۇستافا وزيلدى ءوزىنىڭ اتىنداعى «Marketing GmbH» ماركەتينگتىك كومپانياسىنىڭ باس ديرەكتورى قىزمەتىنەن الىپ تاستاعان. اكەسىنىڭ قىزمەتىن اعاسى مۋتلۋ وزيلگە سەنىپ تاپسىرعان.
ال كومپانيانى 10 جىلعا جۋىق باسقارعان فۋتبولشىنىڭ اكەسى بولسا، ۇلىنىڭ وزىنە 493000 فۋنت ستەرلينگ بەرەشەگى بارىن ايتىپ سوتقا ارىز بەرگەن. العاشىندا فۋتبولشى بۇل قارجىنى بەرۋدەن باس تارتقانمەن، كەيىننەن ەكى تاراپ سوتقا جەتپەي كەلىسىمگە كەلىپتى.
ايتا كەتەيىك وسىعان دەيىن فۋتبولشى جاراقاتىنا بايلانىستى بىرنەشە ايعا الاڭعا شىعا المايتىنى ءمالىم بولعان-دى. سونىمەن قاتار، مەسۋت وزيل وسىدان ءبىر اي بۇرىن 2013 - جىلدان بەرى كوڭىل جاراستىرىپ جۇرگەن ءانشى مەندي كاپريستومەن اراقاتىناسىن ۇزگەن ەدى.
massaget.kz