كونە قۇران قولجازباسىنىڭ فراگمەتى تابىلدى

استانا. قازاقپارات - گەرمانيانىڭ تيۋبينگەن ۋنيۆەرسيتەتىنىڭ كىتاپحاناسىندا قۇران قولجازباسىنىڭ فراگمەنتى(بولىگى) تابىلدى.

مامانداردىڭ پىكىرىنشە، ول مۇحاممەد پايعامبار (س. ع. س) 632 - جىلى كوز جۇمعان سوڭ ونداعان جىلداردان كەيىن جازىلعان.

وسىعان دەيىن ساراپشىلار قولجازبا شامامەن VIII- IX عاسىرلاردا جازىلدى دەپ بولجاپ كەلگەن ەدى.

الايدا جۇرگىزىلگەن زەرتتەۋلەر ناتيجەسىندە، سونىڭ ىشىندە ونى مەرزىمىنە رادييكومىرسۋتەكتى ساراپتاۋ جۇرگىزۋ كومەگىمەن مانۋسكريپتتىڭ كونە ەكەنى انىقتالدى. ماماندار % 95,4 مۇمكىندىكپەن ول ب. د. 649-675 - جىلدارىنا جاتادى دەگەن توقتامعا كەلدى، دەپ حابارلايدى ت ا س س.

قولجازبا كۋفي قارپىمەن تاڭبالانعان.

"مۇنداي توقتامعا كەلگەن سەبەبىمىز - بۇل بىزدە ساقتالعانداعىلاردىڭ ىشىندەگى ەڭ كونە پەرگامەنتكە جازىلعان قۇران"، - دەيدى كىتاپحانا وكىلى.

مانۋسكريپت تيۋبينگەن قالاسىنا 1864 - جىلى كىتاپحانا پرۋسسيالىق ديپلومات يوگانن گوتفريد ۆەتتسشتەيننىڭ جيناعان كىتاپتارىنىڭ ءبىر بولىگىن ساتىپ العاندا تاپ بولعان ەكەن. بۇل كىتاپحانا قورىندا قۇراننىڭ 20 دان استام فراگمەنتى بار.