جەنەۆاداعى اۋكسيوندا الەمدەگى ەڭ قىمبات لاعىل تاس ساتىلدى

استانا. قازاقپارات - لوندون تۇرعىنى لوۋرەنس گرافف جەنەۆاداعى Sotheby's اۋكسيون ءۇيى ۇيىمداستىرعان ساۋدادا لاعىل تاستى رەكوردتىق باعاعا - 8,6 ميلليون دوللارعا ساتىپ الدى.

بۇل تۋرالى Reuters اگەنتتىگى حابارلادى.

«بۇل الەمدەگى ەڭ تازا لاعىل تاس»، دەپ مالىمدەدى «گاۋھار تاستار كورولى» اتىمەن تانىمال گرافف.

اسىل تاستىڭ ەرەكشەلىگى، ونىڭ اشىق قىزىل ءتۇستى بولۋىندا.

الەمدە قىمبات تاستارعا اۋەسقويلار وسى تۇسكە اسا قۇمار. ال ساۋدالانعان تاس ميانماداعى لاعىلدار القابىندا تابىلعان. سالماعى 8, 62 كارات.