جاس كەلىنشەك ءسوز سالىپ جۇرگەن جىگىتىمەن ءبىرىنشى كەزدەسۋىندە ءسابيىن تاستاپ قاشىپ كەتكەن
پوليتسيا وكىلدەرىنىڭ ايتۋىنشا، قىز جىگىتپەن تانىسىپ، ول ونى كەزدەسۋگە شاقىرادى.
قىز ءبىرىنشى كەزدەسۋگە سەگىز ايلىق ءسابيىن جانە ونىڭ كيىمى سالىنعان قاپ اكەلەدى.
"ءبىر ساتتە قىز ءسابيىن كوتەرە تۇرۋدى سۇرايدى. ەر ادام كەلىسەدى. ول قىزىن جىگىتتىڭ قولىنا ۇستاتقان بەتتە قابىن تاستاي سالىپ، قاشىپ كەتتى"، - دەدى پاۆلودار وبلىستىق ءى ءى د باسپا ءسوز قىزمەتىنىڭ جەتەكشىسى بايان ماعزۇموۆا. ەر ادام تانىس قىزىنىڭ كەلۋىن كۇتپەي، پوليتسياعا بارىپ تاستاندى بالا تۋرالى ايتىپ بەرگەن.
دەپارتامەنت وكىلدەرى وسى دەرەككە "كامەلەتكە تولماعان بالانى تاربيەلەۋ جونىندەگى مىندەتتەرىن ورىنداماۋ" بابى بويىنشا قىلمىستىق ءىس قوزعالعانىن حابارلادى. پوليتسيا مالىمەتى بويىنشا، بالاسىن بوتەن ادامعا تاستاپ كەتكەن انانىڭ اتى-ءجونى انىقتالدى.
ول - ەكىباستۇز قالاسىنىڭ 19 جاستاعى تۇرعىنى. ءى ءى د وكىلدەرىنىڭ ايتۋىنشا، قازىرگى ۋاقىتتا ول ىزدەستىرىلىپ جاتىر. ماعزۇموۆا تاستاپ كەتكەن انانىڭ اتى-ءجونىن قاپتىڭ ىشىندەگى كيىمدەردىڭ اراسىندا كەزدەيسوق قالدىرىلعان بانك كارتاسىنىڭ ارقاسىندا انىقتالعانىن ايتتى. پوليتسيا مالىمەتىنشە، قازىرگى ۋاقىتتا ءسابي بالالار ورتالىق اۋرۋحاناسىندا.
ونى دارىگەرلەر قاراپ، دەنساۋلىعىنا ەش زيان كەلمەگەنىن ايتتى.