انشىگە پرەزيدەنت شەشەنستاننىڭ ەڭبەك سىڭىرگەن ءارتىسى اتاعىن بەردى
«ينستاگرام» الەۋمەتتىك جەلىسىندەگى جەكە پاراقشاسىندا شەشەنستان باسشىسى تيماتيدى ءوزىنىڭ دوسى سانايتىنىن، ونى ومىرلىك كوزقاراسى ءۇشىن سىيلايتىنىن جازعان.
«تيماتي سالاۋاتتى ءومىر سالتىن ۇستانادى. ول ىشپەيدى، شەكپەيدى، كاسىبي دەڭگەيدە سپورتپەن شۇعىلدانادى. وكىنىشتىسى، ءبىزدىڭ كەيبىر شوۋ-بيزنەس وكىلدەرىندە مۇنداي قاسيەت جوق. قوعامدا تانىمال بولا ءتۇسۋ ءۇشىن ولار باتىستىڭ ارتىستەرىنە ەلىكتەپ، جىنىستىق اۋىتقۋشىلاقتارىن ماقتان تۇتادى. جىلداپ ناشادان ەمدەلۋ ورتالىقتارىندا جاتادى. ەڭ سوڭىندا، سول ناشا دوزاسىن شەكتەن تىس الىپ، ولەدى»، - دەپ جازعان رامزان قادىروۆ.
ايتا كەتەيىك، ديما بيلان مەن تيماتي اراسىندا داۋ بيلاننىڭ تومەنگى نوۆگورودتاعى كونسەرتتە ونەر كورسەتۋىنە قاتىستى تۋىنداعان. وندا تيماتي ارىپتەسىن ەسىرتكى شەگىپ الىپ، ساحناعا شىقتى دەپ ايىپتادى. ال، بيلان ءوزىنىڭ كەشتە جايسىز سەزىنگەنىن ايتىپ اقتالدى.