«قازاقستاننىڭ بارلىق ايماقتارى تەمىرجولمەن، تاس جولمەن، اۋە جولىمەن ءوزارا تىعىز بايلانىسۋى كەرەك. ايماقتاردىڭ ءوزارا بايلانىسىن جاقسارتۋ - ەلدىڭ ىشكى الەۋەتىن ارتتىرادى، وبلىستاردىڭ ءبىر-بىرىمەن ساۋدا-ساتتىعىن، ەكونوميكالىق بايلانىستارىن نىعايتادى»، - دەپ توقتالدى مەملەكەت باسشىسى.
وسى ورايدا ۇلانعايىر ەلىمىزدە جول سالىنباسا، ەكونوميكانى وركەندەتۋ قيىنعا تۇسەتىندىگىن اتاپ ءوتتى.
«استانادان باتىسقا، شىعىسقا، وڭتۇستىككە جانە سولتۇستىككە سالعان جولدارىمىز بولاشاق ۇرپاقتىڭ ەسىندە قالاتىن بولادى»، - دەدى پرەزيدەنت.
بۇل تۇرعىدا ن. نازاربايەۆ نەگىزگى كولىك جولدارى جوبالارىن جۇزەگە اسىرۋ كەرەكتىگىن جەتكىزدى.
«بىزدە بۋرابايعا دەيىنگى ءبىرىنشى تاجىريبەمىز بار. «باتىس قىتاي- باتىس ەۋروپا» اۆتوماگيسترالىن اياقتاۋ كەرەك. بۇدان كەيىن قۇرىلىسى باستالعان استانادان الماتىعا دەيىنگى جولدى سالامىز. سونىمەن قاتار استانادان پاۆلودار، سەمەي ارقىلى وسكەمەنگە دەيىنگى جول قامتىلىپ وتىر. بۇدان بولەك، استانا- اقتوبە- اتىراۋ، الماتىدان وسكەمەن باعىتى، قاراعاندىدان جەزقازعانعا دەيىن جانە ارى قاراي قىزىلورداعا، اتىراۋ- استراحان جولدارى بار»، - دەدى پرەزيدەنت.
اۆتور: رۋسلان عابباسوۆ