19 جاستاعى قىزدىڭ اناسى پسيحياتريالىق اۋرۋحانادا ەمدەلىپ جاتقاندا پاتەر بوس تۇرعان، دەپ حابارلادى YK-news.kz. تۋىستارى ونى جالعا بەرگەن.
پاتەر يەسىنىڭ كىشى قىزى پاۆلودار وبلىسىندا ءوز اناسىنا ۇقسايتىن ايەلدى تاۋىپ، سەنىمحات راسىمدەۋ ءۇشىن نوتاريالدىق كەڭسەگە بارعان. وسكەمەنگە ورالعان سوڭ قىز گازەتكە حابارلاندىرۋ بەرگەن. ءبىر بولمەلى پاتەردى ول 6 مىڭ دوللارعا عانا باعالاعان. وسىلايشا، حابارلاندىرۋ بويىنشا حابارلاسقان ادامعا پاتەردى ساتىپ جىبەرگەن.
ءبىرشاما ۋاقىتتان سوڭ پاتەردىڭ ساتىلعانى جايلى قىزدىڭ اپكەسى بىلگەن. ول كەلىسىمنىڭ كۇشىن جويۋعا ارەكەتتەنىپ، دىتتەگەنىنە جەتتى. پاتەردى ساتىپ العان ازاماتشاعا اقشاسى قايتارىلىپ، الاياق ۇستالدى. سوت ۇكىمىمەن ول شارتتى تۇردە 3 جىلعا باس بوستاندىعىنان ايىرىلدى.