ساددام حۇسەيىن اكەسىنىڭ مولاسى قيراتىلدى

استانا. قازاقپارات - "يسلام مەملەكەتى" لاڭكەستىك ۇيىمىنىڭ جاۋىنگەرلەرى يراكتىڭ بۇرىنعى پرەزيدەنتى ساددام حۇسەيىن اكەسىنىڭ مولاسىن جارىپ جىبەردى دەپ حابارلايدى ر ي ا نوۆوستي. مازارمەن بىرگە تيكريت قالاسىنىڭ ورتالىعىنداعى جاڭا مەشىت تە جەرمەن-جەكسەن بولعان.

Al Mada Press پورتالىنىڭ مالىمدەۋىنشە، لاڭكەستەر الدىمەن مەشىت پەن مولاعا جارىلعىش زاتتاردى اينالدىرا ورناتىپ العان. ولارعا ەشكىم قارسىلىق بىلدىرمەپتى.

ايتا كەتەيىك، مادجيد ءال-حۇسەيىننىڭ مەشىتىن ساددام حۇسەيىن كوزى تىرىسىندە سالعىزعان بولاتىن. وندا ءبىر مەزەتتە ءۇش مىڭ ادام نامازعا جىعىلاتىنداي جاعداي جاسالعان.

ال، "يسلام مەملەكەتىنىڭ" جەتەكشىلەرى سيريا مەن يراكتاعى جاۋلاپ العان جەرلەرىندە حاليفات جاريالاپ وتىر.

Baq.kz