امەريكالىق ميللياردەر بۇكىل الەمدى عالامتورعا قوسىپ بەرەدى
كاسىپكەر بۇكىل الەمدى عالامتورمەن قامتاماسىز ەتەتىن جەر اينالاسىنداعى وربيتاعا 700 گە جۋىق تەلەكوممۋنيكاتسيلىق جەرسەرىكتەردى جىبەرۋگە نيەتتى، دەپ حابارلايدى Naked Science.
ءبىر جەرسەرىكتىڭ باعاسى ءبىر ميلليون دوللاردان اسپايدى، ال جالپى عارىش قۇرىلعىسىنىڭ سالماعى 101-115 كەلى. بۇل قازىرگى كوممۋنيكاتسيالىق جەرسەرىكتەردەن ەكى ەسە جەڭىل.
بۇل جوبانى ماسك دامىپ كەلە جاتقان ايماقتارعا جوعارى جىلدامدىقتاعى عالامتوردى ارزان باعامەن قامتاماسىز ەتەتىن O3b Networks ستارتاپ جوباسىنىڭ نەگىزىن قالاۋشى گرەگ ۋايلەرمەن بىرلەسە ىسكە اسىرۋدى ويلاستىرىپ وتىر. بۇعان دەيىن ۋايلەر تورعا قاجەتتى مۇمكىندىكتى پايدالانۋ ءۇشىن وربيتاعا 180 جەرسەرىكتى شىعارۋعا بايلانىستى Google كومپانياسىمەن ارىپتەس بولعان.
عالامتور- جەرسەرىكتەرىن شىعارۋ ءۇشىن كولورادو نەمەسە فلوريدا شتاتىندا جاڭا زاۋىت سالىنۋ جوسپارلانۋدا. وربيتاعا قۇرىلعىلاردى SpaceX كومپانياسىنىڭ «فالكون-9» زىمىراندارى جەتكىزەتىن بولادى.
tengrinews.kz