الەمدەگى ەڭ كونە بانك ساتىلىمعا شىعارىلدى

استانا. قازاقپارات - يتاليادا الەۋەتى جاعىنا ءۇشىنشى، ال الەمدە ەڭ كونە بولىپ تابىلاتىن Banca Monte dei Paschi di Siena بانكى ساتىلىمعا شىعارىلدى.

بۇل تۋرالى The Wall Street Journal حابارلايدى.

باسىلىمنىڭ مالىمەتتەرى بويىنشا، بانك بۇل شارانى ۇيىمداستىرۋ ءۇشىن UBS پەن Citi- ءدى جالداعان. بۇعان دەيىن بۇل ەكى ينۆەستيتسيالىق بانك Monte dei Paschi- ءدىڭ 5 ميلليارد ەۋرونى قۇرايتىن اكسيالارىنىڭ قوسىمشا ەميسسياسىن دايىندادى. دەرەككوزدەردىڭ اقپاراتتارىنا قاراعاندا، ول 2015-جىلدىڭ ەكىنشى توقسانىنا جوسپارلانعان.

Monte Paschi 1472-جىلى سيەنادا قالا-مەملەكەتتىڭ مۇقتاج جۇرتشىلىعىنا ارزان نەسيەلەردى بەرۋ ءۇشىن قۇرىلعان بولاتىن.