ءبىز ادامبىز، ءبىراق كەيدە مالدان دا ارى بولامىز - جانبولات جارىلقاسىن ۇلى
ءبىز "اللاعا قۇلشىلىق ەتۋ دۇرىس" ەكەنىن بىلەمىز، ءبىراق قۇلشىلىق جاسامايمىز.
"يسلام ەڭ تازا، ەڭ سوڭعى اقيقي ءدىن" دەيمىز، ءبىراق يسلامدى ۇستانبايمىز.
ءبىز "بىرەۋدىڭ سىرتىنان ءسوز ايتقان جامان" دەيمىز، ءبىراق جامانداعاندا الدىمىزعا جان سالمايمىز. ءبىزدىڭ بىرەۋ ءوتىنىشىمىزدى قايتارسا، وكپەمىز قارا قازانداي بولادى سوعان ءبىر وتكىزىپ قويعانىمىز بارداي.
ءبىز قينالىپ جاتقانداردى، جەتىم-جەسىرلەردى، سوعىستى كورىپ جانىمىز اشيدى، ءبىراق كومەكتەسۋ قيىننىڭ قيىنى. ءبىز جۇمىستا جالقاۋلانباي جۇمىس ىستەسەك ول ەسكەرۋسىز، قايتارىمسىز قالمايتىنىن بىلەمىز (كوپ جاعدايدا)، الايدا جالقاۋلانىپ سەن تيمەسەڭ مەن تيمە بولىپ وتىرامىز.
ءبىز بۇكىل ومىرگە، بارلىعىنا وكپەلىمىز، ءبىراق اياقتىڭ استىندا جاتقان قاناعات پەن قاراپايىمدىلىقتى كورمەيمىز. ءبىز ادامبىز، ءبىراق كەيدە مالدان دا ارى بولامىز. كەيدە قازىردەن قولعا الماساڭ بولمايتىنىن بىلە تۇرا السىزدىك تانىتامىز، زامان تالابى مەن قوعامنىڭ قاتە ۇعىمدارىنا "ەرىكسىز" كونە سالامىز. ءبىز وسىندايمىز، ياعني مەن دە سوندايمىن...
جانبولات جارىلقاسىن ۇلى
Facebook-تەگى پاراقشاسىنان