ۇلى بريتانيا حانشايىمىنىڭ ومىرىنە قاستاندىقتىڭ جولى كەسىلدى

استانا. قازاقپارات - بريتاندىق پوليتسيا حانشايىم ەليزاۆەتا Ⅱومىرىنە قاستاندىقتىڭ الدىن الىپ، ءتورت يسلامشىنى قولعا ءتۇسىردى.

بۇل تۋرالى The Sun باسىلىمىنا سىلتەمە جاساعان Lenta.ru حابارلادى.

باسىلىمنىڭ جازۋىنشا، لاڭكەستەر حانشايىمدى جۇما كۇنى سوعىستار مەن قارۋلى جانجالدار كەزىندە قازا تاپقاندارعا ارنالعان كورولدىك بريتاندىق لەگيوندى ەسكە الۋ فەستيۆالى بارىسىندا ولتىرمەك بولعان.

قىلمىسكەرلەر حانشايىمعا كورول البەرت-حولىندا پىشاق سالۋدى كوزدەگەن، بۇل رەتتە ولاردا مىلتىقتىڭ بولۋى دا جوققا شىعارىلمايدى. پوليتسيا 19 بەن 27 جاس ارالىعىنداعى ءتورت كۇدىكتى ازاماتتى ۇستادى، سونداي-اق لوندوننىڭ باتىس بولىگى مەن باكينگەمشير گرافتىعىندا بىرنەشە رەيد وتكىزدى.

كۇدىكتىلەردىڭ بارلىعى لوندون ورتالىعىنداعى پوليتسيا بولىمشەسىنە جەتكىزىلىپ، سۇرالدى. لاڭكەستىك ارەكەتتەردى دايىنداۋدا كۇدىكتى ادامداردى ۇستاۋ تۋرالى اقپارات سكوتلاند-ياردتىڭ ەسەپ بەرۋىندە حابارلانادى، الايدا ولاردىڭ حانشايىمعا قاستاندىق جاساۋعا دايىندىعى تۋرالى ەشتەڭە ايتىلماۋدا.

ەليزاۆەتا II مەن پرەمەر-مينيستر دەۆيد كەمەرون بۇل كەلەڭسىز جاعداي تۋرالى اقپاراتتاندىرىلعان. سوندا دا بۋكينگەم سارايىندا حانشايىمنىڭ رەسمي شارالارعا قاتىساتىندىعى جايلى شەشىم قابىلداندى.