رەسەي اسكەرىندە روبوتتار روتاسى بولادى

استانا. قازاقپارات -رەسەيدىڭ قارۋلى كۇشتەرى اسكەري روبوتتار روتاسىن جاساقتايدى، - دەپ حابارلايدى رەسەي فەدەراتسياسىنىڭ قارۋلى كۇشتەرىنىڭ «زۆەزدا» تەلەراديوكورپوراتسياسى. اسكەري-وندىرىستىك كوميسسيا القاسىنىڭ مۇشەسى ولەگ مارتيانوۆتىڭ ايتۋىنشا، اسكەري روبوتتار اسكەري سوعىس قيمىلدارىنا قولدانىلادى.

ونىڭ ايتۋىنشا، مۇنداي بولىمشەلەر ءاربىر اسكەري ايماق پەن فلوتتا قۇرىلادى. «قورعانىس مينيسترلىگى باسشىلىعىنىڭ شەشىمىنە سايكەس، ءاربىر اسكەري وكرۋگتا جانە فلوتتا اسكەري روبوتتارى بار جەكە روتالار جاسالادى، ولاردى شتاتتىق قۇرىلىمدار مەن باسقارۋ ورگاندارى قۇرادى»، - دەدى ول. ونىڭ پىكىرىنشە، وسىدان ەكى جىل بۇرىن ارميانىڭ مۇنداي تەحنيكانى قولدانۋ تۋرالى تۇسىنىگى دە بولماعان. مارتيانوۆ قازىر اسكەري جاساقتاردى روبوتتاندىرۋ قارقىنمەن ءجۇرىپ جاتقانىن ايتتى، بۇل، ونىڭ ويىنشا، سوعىسقا دايىندىقتى جاڭا دەڭگەيگە كوتەرەدى.

ونىڭ ايتۋىنشا، مۇنداي بولىمشەلەر تاياۋ ۋاقىتتا جاتتىعۋلارعا قاتىستىرىلىپ، ودان كەيىن اسكەري جارعىعا تۇزەتۋلەر ەنگىزىلەدى. «ەكى جىل بۇرىن اسكەري قولدانىسقا روبوتتاردى ەنگىزۋ تۋرالى ناقتى تۇسىنىكتىڭ دە بولماعانىن ەسەپكە الساق، ارميانىڭ قازىرگى قارقىنمەن روبوتتاندىرىلۋ دەڭگەيى، مەنىڭ ويىمشا، سوعىسقا دايىندىقتى جاڭا دەڭگەيگە كوتەرىپ جاتىر»، - دەدى مارتيانوۆ. ونىڭ ايتۋىنشا، رەسەي ارمياسىندا اسكەري روبوتتار 2017-2018-جىلدارى جاپپاي پايدا بولا باستايدى.

tengrinews.kz