وزبەكستان ازاماتى ۇشاقتان ۇشىپ ءتۇستى
كولىكتەگى ىشكى ىستەر باسقارماسى باسپا ءسوز قىزمەتىنىڭ مالىمەتىنشە، ىشىمدىككە سىلقيا تويىپ العان ازامات اۋە كەمەسىنىڭ بورتىندا تۇرىپ، قوعامدىق ءتارتىپتى ورەسكەل بۇزىپ، جولاۋشىلاردىڭ مازاسىن العان. بورتسەرىككە بالاعات سوزدەر ايتىپ، اينالاسىنداعىلارعا دورەكىلىك تانىتىپ، ءوزىنىڭ ءىس- ارەكەتىمەن اۋە كەمەسىنىڭ ۇشۋ ءتارتىبىن بۇزعان.
سونداي- اق، اتالعان ازامات وندىرىستىك تەكسەرۋ جۇرگىزۋ بارىسىندا ەلدىڭ كوزىنشە قىزمەتتىك مىندەتىن اتقارىپ جاتقان پوليتسيا قىزمەتكەرىن قورلاپ، بالاعاتتاعان. قازىرگى ۋاقىتتا ونىڭ ۇستىنەن قازاقستان رەسپۋبليكاسى قىلمىستىق كودەكسى 320 بابىنىڭ 1- ءبولىمى، ياعني وكىمەتتىڭ وكىلىن ونىڭ ءوز قىزمەتتىك مىندەتىن اتقارۋ كەزىندە نەمەسە ونى اتقارۋىنا بايلانىستى جاريا قورلاۋ بويىنشا قىلمىستىق ءىس قوزعالدى.
ءتيىستى زاڭعا سايكەس، ۇستالعان ازاماتقا 100 ايلىق ەسەپتىك كورسەتكىشتەن 500 ايلىق ەسەپتىك كورسەتكىشكە دەيىنگى مولشەردە ايىپپۇل سالىنۋى، نە 180 ساعاتقا دەيىنگى مەرزىمگە قوعامدىق جۇمىستارعا تارتىلۋ، نە 1 جىلعا دەيىنگى مەرزىمگە تۇزەۋ جۇمىستارىنا، نە سول مەرزىمگە باس بوستاندىعىن شەكتەۋ كوزدەلگەن.