ا ق ش- تا بەنزيننىڭ بولشەك باعاسى ارزانداي تۇسپەك

استانا. قازاقپارات - ا ق ش- تا بەنزيننىڭ بولشەك باعاسى تومەندەي تۇسۋدە، دەپ حابارلادى ت ا س س.

سوڭعى ەكى اپتانىڭ ىشىندە ولار 13 سەنتكە ارزانداپ، قازىر ەلدە ورتاشا ەسەپپەن العاندا ەڭ ارزان بەنزين ءبىر گاللون (1 ليترى 77 سەنت شاماسىندا) 2,94 دوللاردى قۇرادى

 Lundberg Survey قىزمەتى جۇرگىزگەن 2,5 مىڭ ماي قۇيۋ ستانساسىنداعى ساۋالناما ەڭ قىمبات بەنزين قازىرگى كۇندە سان- فرانسيسكودا (كاليفورنيا شتاتى) تومەنگى سورتتى 1 گاللون جانارماي 3,27 دوللاردى قۇرايتىنىن كورسەتتى. ەڭ ارزان بەززين مەمفيس قالاسىندا - گاللونى - 2,65 دوللار. ساراپشىلاردىڭ اتاپ وتۋىنشە، قازىرگى ءبىر گاللون تومەنگى سورتتى جانارمايدىڭ باعاسى وتكەن جىلدىڭ وسى كەزىندەگى باعادان 27,55 سەنت تومەن بولىپ وتىر.

 تالداماشىلاردىڭ پىكىرىنشە، ا ق ش- تا بەنزين باعاسىنىڭ ارزانداۋى الەمدىك بيرجالاردا مۇناي قۇنىنىڭ ارزانداۋىنا، ەڭ الدىمەن مۇنايعا سۇرانىس ازايۋىنا بايلانىستى. وتكەن اپتادا جاريالانعان و پ ە ك- ءتىڭ جىل سايىنعى بايانداماسىندا 2017 - جىلدىڭ سوڭىنا دەيىن كارتەل وندىرەتىن مۇنايدىڭ باعاسى تاۋلىگىنە 28,2 ميلليون باررەلگە دەيىن تومەندەۋى مۇمكىن ەكەنىن ايتىلدى. بۇل بۇرىنعى بولجامنان گورى بۇدان ءبىر جىل بۇرىنعىدان تاۋلىگىنە 600 مىڭ باررەلگە دەيىن تومەن بولادى دەپ كۇتىلۋدە، ول سوڭعى 14 جىلداعى ەڭ تومەن كورسەتكىش بولماق.

جەرگىلىكتى تالداماشىلار ا ق ش- تا تاياۋداعى اپتالاردا بەنزين باعاسى ودان ءارى تومەندەي تۇسەتىنىن ايتادى. بۇعان مۇناي باعاسىنىڭ ارزانداۋى دا اسەرىن تيگىزۋدە.