گيتلەردىڭ كارتيناسى گەرمانيادا ءباسساۋداعا شىعارىلماق

استانا. قازاقپارات - نەمىستەردىڭ Weidler اۋكسيون ءۇيى ادولف گيتلەر سالعان «ستارايا راتۋشا» كارتيناسىن ساتىلىمعا شىعاردى، دەپ جازادى ربك.

22 - قاراشادا وتەتىن ءباسساۋداعا قويىلاتىن كارتينانىڭ باستاپقى باعاسى 3,1 مىڭ ا ق ش دوللارىن قۇراپ وتىر.

كارتينا 1914-1915 - جىلدارى اكۆارەلمەن سالىنعان. سونىمەن بىرگە جيىنتىقتا ونىڭ ءتۇپنۇسقا ەكەندىگىن دالەلەدەيتىن ارنايى سەرتيفيكات بار. كارتينادان تۇسكەن قاراجاتتىڭ 10 پايىزى قايىرىمدىلىققا جۇمسالماق.

ايتا كەتەيىك، بۇعان دەيىن Weidler گيتلەردىڭ 5 كارتيناسىن ساتقان بولاتىن. ولاردىڭ ىشىندەگى ەڭ قىمباتى 2012 - جىلى 40 مىڭ دوللارعا ساتىلعان.