الماتىداعى ۆەلوسيپەدتى اۆتوماتتى جالعا بەرۋ جۇيەسى Almatybike جوباسى شەڭبەرىندە جۇزەگە اسىرىلىپ وتىر.
ءبىرىنشى بەكەتتە 14 تۇراق ورنى بار، ەكىنشىسىندە - 16. "الداعى ۋاقىتتا بۇل جۇيە ساتىلى تۇردە ۇلعايتىلىپ، جالعا بەرىلەتىن بەكەتتەر سانىن 200 گە دەيىن جەتكىزۋ جوسپارلانىپ وتىر"، - دەپ مالىمدەيدى اكىمدىك.
مۇنداي ستانسالاردا ۆەلوسيپەدتى جالعا الىپ، باراتىن جەرىڭىزگە جەتىپ الىپ نەمەسە قىدىرىپ، كولىك قۇرالىن كەز-كەلگەن باسقا ستانساعا قايتا وتكىزۋگە بولادى ەكەن. مۇنى قىزىعۋشىلىق تانىتقان ءاربىر ادام وزىنە ىڭعايلى كەزكەلگەن ۋاقىتتا جۇزەگە اسىرا الادى، دەيدى ۇيىمداستىرۋشىلار.
ولاردىڭ ايتۋلارى بويىنشا، ونىڭ باعاسى مەن شارتتارى دا بارشاعا قولجەتىمدى كورىنەدى. الماتىدا ۆەلوسيپەدتى جالعا الۋ باعاسى ءبىر كۇنگە - 150 تەڭگە، ەكى كۇنگە - 300 تەڭگە، ءۇش كۇنگە - 400 تەڭگە، ال ءبىر اپتاعا - 600 تەڭگە بولادى ەكەن. وعان قاتىسۋ ءۇشىن اتالعان جوبانىڭ رەسمي سايتىنا تىركەلۋ قاجەت. سونداي-اق بۇل جۇيەنىڭ قىزمەتىنە جۇگىنگىسى كەلگەندەر ءۇشىن موبيلدى قوسىمشاسى دا قىزمەت كورسەتەدى.
ايتا كەتەيىك، بۇعان دەيىن الماتىدا ۆەلوسيپەدتى اۆتوماتتى جالعا الۋ جۇيەسىن تەك 2015 -جىلى ىسكە قوسۋ جوسپارلانعان.
وندا ساراپشىلار قاجەتتى ينفراقۇرىلىمنىڭ جەتكىلىكتى ەكەندىگنە كۇمان كەلتىرگەن جانە ۆەلوسپيپەدتى ۇرلاۋشىلار بولادى دەگەن قاۋىپتەرىن بىلدىرگەن.