استانا اۋەجايىندا شۋ شىعارعان وزبەكستان ازاماتى ۇشاققا وتىرعىزىلمادى

استانا. قازاقپارات - «استانا - تاشكەنت» باعىتىندا ۇشقالى جاتقان وزبەكستان ازاماتى ىشىمدىك ءىشىپ، شۋ شىعارعانى ءۇشىن ۇشاققا وتىرعىزىلمادى.

«استانا حالىقارالىق اۋەجايىندا «استانا - تاشكەنت» باعىتىندا ۇشقالى جاتقان 36 جاستاعى وزبەكستان رەسپۋبليكاسىنىڭ ازاماتى ىشىمدىك ءىشىپ، شۋ شىعارعانى ءۇشىن ۇشاققا وتىرعىزىلمادى.

اتالعان ازامات ۇشاق بورتىندا وتىرىپ قوعامدىق ءتارتىپتى بۇزعان. بورتسەرىكتەرىنە باعىتتالعان دەرەكى سوزدەر ايتىلعان. سول ارقىلى اۋە كولىگىمەن ۇشۋ ءتارتىبىن بۇزدى»، - دەلىندى ىشكى ىستەر دەپارتامەنتىنىڭ حابارلاماسىندا.

وزبەكستان ازاماتى 100-400 ا ە ك كولەمىندە ايىپپۇل تولەۋى مۇمكىن. بولماسا، ايىپتالۋشى 180 ساعات قوعامدىق جۇمىس، 1 جىلعا وڭالتۋ جۇمىستارىن نەمەسە اتالعان ۋاقىتقا باس بوستاندىعىنان ايىرىلادى.

24.kz