نازاربايەۆا ەنەرگەتيكا مينيسترلىگىن سىنعا الدى
جوندەۋ جۇمىستارى بولسا تاعى ءبىرازعا سوزىلاتىن ءتۇرى بار. ماسەلەن، رەسەي بانكتەرى پاۆلودار مۇناي وڭدەۋ زاۋىتىن جاڭعىرتۋدى قارجىلاندىرۋدان سوڭعى ساتتە باس تارتقان. سوندىقتان، شەنەۋنىكتەر شۇعىل تۇردە باسقا شەتەلدىك بانكتەردەن قارىز الۋدى قاراستىرۋعا كىرىسىپ كەتىپتى.
ايتا كەتەيىك، قازاقستان جانارمايدىڭ 12-30 پايىزىن رەسەيدەن يمپورتتاپ كەلەدى. ەندى رەسەيدەن كەلەتىن يمپورت كولەمىن تومەندەتۋ ءۇشىن كەلەر جىلدان باستاپ قىتايدان 200 مىڭ توننا جوعارعى وكتاندى بەنزين الماقشى. ءبىراق بۇگىن ەنەرگەتيكا مينيسترلىگىنىڭ وسى وپتيميزمگە تولى جوسپارى ماجىلىسمەندەردى سەندىرە العان جوق.
داريعا نازاربايەۆا، ءماجىلىس ءتوراعاسىنىڭ ورىنباسارى:
- ەلىمىزدە كولىك سانى جىلداپ ارتىپ كەلەدى. الايدا، بەنزين ساپاسى وعان ساي ەمەس. ەۋرو-3 ىڭىز نە، ءتىپتى ەۋرو-4، ەۋرو-5 تۋرالى ازىرگە اڭگىمە قوزعاۋدىڭ ءوزى ارتىق. كەزىندە جىلىنا 18-19 ميلليون توننا مۇناي وڭدەيتىن 3 زاۋىتىمىز ءتىپتى كەيىنگى جىلدارى 13-14 ميلليونعا ءتۇسىپ قالعان.
بۇگىن ۇكىمەت تاراپىنان دا، «قازمۇنايگاز» ۇلتتىق كومپانياسى تاراپىنان دا ەشقانداي تۇشىمدى جاۋاپ الا المادىق. ەلدەگى بەنزين تاپشىلىعىن رەتتەۋگە ۇكىمەت قاۋقارسىزدىق تانىتىپ وتىر.
KTK