داۋىس بەرۋ قورتىندىسى بويىنشا قازاقستاندىقتىڭ جاپون بوكسشىسى نوبۋحيرو يشيدانى نوكاۋتقا ءتۇسىرۋى 36 پايىز داۋىس جيناپ ۇزدىك بولىپ تانىلدى. مەتتيۋ ماكلينمەن بولعان جەكپە-جەكتەگى نوكاۋتقا پورتال وقىرماندارىنىڭ 19 پايىزى داۋىس بەرگەن. سونىمەن قاتار، الدىڭعى ۇشتىككە گولوۆكيننىڭ ماركو انتونيو رۋبيونى ەستەن تاندىرعان ايقاسى ىلىكتى.
بۇعان دەيىن امەريكالىق اتاقتى تورەشى دجو كورتەس گولوۆكين - بوكستىڭ جارىق جۇلدىزى دەگەن پىكىرىن ايتقان بولاتىن. ونىڭ ويىنشا گولوۆكين اعايىندى كليچكولاردان اسىپ تۇسەدى.
سونداي-اق، تورەشى قازاقستاندىقتىڭ ەڭ مىقتى بوكسشى ەكەنىن، ءبىراق ول قازىرشە امەريكالىق جانكۇيەرلەر اراسىندا جەتە مويىندالماي وتىرعانىن جەتكىزدى. كورتەستىڭ ويىنشا گولوۆكيننىڭ جەكپە-جەكتەرى وتە تارتىمدى جانە تاياۋ ۋاقىتتا ول بوكس الەمىندەگى ەڭ مىقتىلاردىڭ ءبىرى بولادى.
ەستەرىڭىزگە سالا كەتسەك، گولوۆكين ءوزىنىڭ 18- قازاندا كارسوننىڭ (كاليفورنيا شتاتى، ا ق ش) StubHub Center ارەناسىندا وتكىزگەن كەزدەسۋىندە مەكسيكالىق بوكسشى ماركو انتونيو رۋبيونى نوكاۋتقا جىبەرگەن بولاتىن. ەندىگى كەزدەسۋىن گولوۆكين كەلەسى جىلى مونوكودا 21- اقپاندا بريتاندىق مارتين ميۋررەيگە قارسى وتكىزەتىن بولادى.
tengrinews.kz