قىتايدا وزەن ۇستىندە تاۋ ەلەسى پايدا بولدى
10:03, 05 - قاراشا 2014
استانا. قازاقپارات- قىتايدىڭ شىعىسىنداعى حۋاڭشان قالاسىندا اۋا رايىنىڭ كەرەمەت قۇبىلىسى بايقالدى. تولاسسىز جاۋعان جاڭبىردان كەيىن وزەن ۇستىندە تاۋ ەلەسى پايدا بولعان.
تابيعي قۇبىلىستى مۇنداعى ساياحاتشىلار دەرەۋ ءتۇسىرىپ، جەلىلەرگە سالادى. مۇنداي كەرەمەتتى كورگەندەر سول ايماققا قاراي اعىلعان. ءبىراق ساعىم ۇزاققا سوزىلعان جوق. نەگىزىنەن حۋاڭشان تاۋلارى «اۆاتار» كينو تۋىندىسىنداعى «پاندورانىڭ سامعاۋشى تاۋلارىنا» ۇقساس كەلەدى.
سونداي- اق، يۋنەسكو- نىڭ الەمدىك مۇرا تىزىمىنە كىرەدى. حۋاڭشان تاۋلارى قىتايلىق كوركەم سۋرەت تۋىندىلارىندا دا ءجيى كەزدەسەدى. بۇل جولعى ساعىم دا ءبىراز تۋىندىنىڭ تاقىرىبى بولۋى دا مۇمكىن.