كەلەر جىلدان باستاپ بالا اسىراپ الۋعا جاردەماقىلار بولىنەدى - گ. ءابدىقالىقوۆا
بۇل تۋرالى بۇگىن استانادا بالالار قۇقىعىن قورعاۋعا بايلانىستى ءوتىپ جاتقان «قازاقستاندا بالالارعا جانە ولاردىڭ قۇقىقتارىن قورعاۋعا ارنالعان ءادىل سوت جۇيەسىن نىعايتۋ» اتتى كونفەرەنسيادا ق ر پرەمەر- ءمينيسترىنىڭ ورىنباسارى گۇلشارا ءابدىقالىقوۆا ايتتى.
«بۇگىندە ەلىمىزدە 5 ميلليوننان استام بالا ءومىر سۇرەدى. بۇل - قازاقستان حالقىنىڭ ۇشتەن ءبىرى دەگەن ءسوز. سونداي- اق بۇل كورسەتكىش كۇننەن- كۇنگە ءوسىپ كەلەدى. سوڭعى 10 جىلدا ەلىمىزدە بالا تۋۋ كورسەتكىشى 1,3 ەسەگە وسكەن. بالالاردىڭ دەموگرافيالىق ءوسۋ قارقىنىن ەسكەرە كەلە، ۇكىمەت بابالار قۇقىعىن قورعاۋ، ولارعا قاجەتتى كومەك كورسەتۋ سالاسىندا جوسپارلى جۇمىستار جاساپ كەلەدى»، - دەپ اتاپ ءوتتى ول.
ونىڭ ايتۋىنشا، بۇگىندە بالا تاربيەلەپ وتىرعان وتباسىلاردىڭ بارلىعىنا بىرنەشە ءتۇرلى تولەمدەرقاراستىرىلعان.
«ماسەلەن، بالانىڭ تۋۋىنا بايلانىستى تولەماقى، بالانىڭ 1 جاسقا تولۋىنا دەيىن تولەنەتىن اي سايىنعى تولەمدەر، بالا تاربيەلەپ وتىرعان مۇگەدەك جاندارعا بەرىلەتىن تولەمدەر بار. بۇگىندە بالانىڭ قامقورشىلارىنا، پاتروناتتى تاربيەلەۋشىلەرىنە ارنالعان وتەماقىلار دا ەنگىزىلگەن. وسى جۇمىستاردىڭ ناتيجەسىندە سوڭعى 5 جىلدا جەتىم بالالاردىڭ سانى شامامەن 10 مىڭعا ازايدى. سونىمەن قاتار 2015 - جىلدىڭ قاڭتارىنان باستاپ بالا اسىراپ الۋشىلارعا ءبىر رەتتىك جاردەماقا دا تولەنەتىن بولادى»، - دەپ اتاپ ءوتتى گ. ءابدىقالىقوۆا.
ايتا كەتەيىك، قازاقستاننىڭ بالالار قۇقىعى جونىندەگى ب ۇ ۇ كونۆەنتسياسىن راتيفيكاتسيالاۋىنا 20 جىل تولۋىنا وراي وتكىزىلگەن كونفەرەنتسياعا ق ر جوعارى سوتىنىڭ ءتوراعاسى قايرات ءمامي، ق ر كونستيتۋتسيالىق كەڭەسىنىڭ ءتوراعاسى يگور روگوۆ، ق ر ادىلەت ءمينيسترى بەرىك يماشيەۆ، ق ر ىشكى ىستەر ءمينيسترىنىڭ ورىنباسارى ءراشيد جاقىپوۆ جانە باسقادا لاۋازىمدى تۇلعالار قاتىستى.
ال حالىقارالىق ۇيىمداردان ق ر- داعى ەۋروپا وداعى وكىلدىگىنىڭ باسشىسى اۋرەليا بۋشەز، ق ر- داعىيۋنيسەف وكىلى دجۋن كۋكيتا، ب ۇ ۇ بالالار قۇقىعى كوميتەتىنىڭ مۇشەسى، جاسوسپىرىمدەر ءىسى بويىنشا سۋديا ريناتا ۋينتەر، سونداي- اق، باسقا دا الەمدىك ساراپشىلار كەلدى.
اۆتور: ءابۋ- اسقار مەكەش ۇلى